ماتحل عنا.................. لو كنت مصري
وصلني رسالة من نفس الصديق العزيز بتاع رسالة الجيش العربي فين
وهي كلمات اغنية على وزن اغنية محمد حماقى بتاعت
الا بقى اللغبطة دي ليه
بقت حاجة محتاجة مليون سؤال
اللي بيحصل في البلد دي
دي بلدنا . . كترت بلاويها
ويقول لك ريسها حاميها!!
امال خيرها ده فين؟؟
يا فرحتي عايشين من غير حروب
وبلدنا خيرها ماهوش لينا
ده بيدخل جيب
اللي حاميها
على كده عيشنا سنين . .
ما تحل عنا بقى زهقتنا
خلتنا نكره انك وسطنا
لو قلت هامشي كده ريحتنا
وكفاية بقى
لو كنت مصري زيك زينا . .
بتحب مصر ابعد عننا . .
ما بقاش فيه حد عايزك مننا
وكفاية شقى
ياما سمعنا كلام ووعود كتير
في برنامجك الانتخابي
وعيشتنا غليتها علينا
خلتنا نمشي على ايدينا
عشان ناكل عيش
ياما سمعنا كلام ووعود كتير
ماشفناش ولا شيء ايجابي
ملينا
سيبنا بقى كفاية
ما لقينا للفقر نهاية
ولا عرفنا نعيش!!
ما تحل عنا بقى زهقتنا
لو قلت هامشي ريحتنا
وكفاية بقى!!
لو كنت مصري زيك زينابتحب مصر ابعد عننا
ما بقاش فيه حد عايزك مننا وكفاية شقى
ما تحل عنا لو كنت مصري
49 comments:
السلام عليكم
جزاكم الله خيرا اخى الفاضل
انا فعلا فاكره انى كنت سمعتها اغنيه على يوتيوب او فى منتدى جامعه ون لاين
بس وانا بقراها فعلا حاسه انى سمعتها قبلكده
جزاكم الله خيرا يا فندم
وعلى فكره
شكله مش ممصرى خالص
لو كان مصرى
كان حل عننا من زمااااااااااااان
مش عاوزه اغلط بس
لا رفث ولا فسوق
لا بجد جامدة
انا قعدت اغنيها وحطيت اللحن
يابنى انت بتحلم
افتح التليفزيون كدة عام 2100 هتلاقيهم بيقولوا اخترناك اخترناك اخترناك
يالا بقى ربنا مطلع على كل حال
ههههههه هو مين دا اللى يمشى دا قاعد على قلبنا
ثم انه مش مصرى دا عميل خاين لامريكا واسرائيل ده باع الغاز بتاعنا ليهم بابخص الاسعار قاعد ناهب بلدنا والفايد منه يديه لاسرائيل اصل اسرائيل شعب غلبان واحنا واقفين نتفرج ونقول حسبنا الله ونعم الوكيل
شوفت كده فى الدنيا
عمنا الجمعاوي الياباني
طبعا تلاقي الجمعاوي التيواني بيشيط
كان في نكته بتقول
ان واحد مصر وواحد امريكي وواحد ناميبي اتحبسوه في كهف وخرجوا بعد 200 سنه وفتحوا الراديو الاول علي اذاعه امريكا لاقوا مجعات وحروب اهليه وان جيبوتي بتحذر انها هتتدخل عسكريا لحمايه امريكا وبتاع ناميبيا جاب اذاعه ناميبيا لقي تقدم وان ناميبيا عملت اول سفاره فوق سطح القمر وبيفكروا يفتحوا واحده في المريخ بتاع مصر فرح وقال خير وفتح الراديو لقي الاذاعه مشغله
اخترنا اخترنا ماشي بديله واحنا وراه
وجزيت خير ياعمنا
لو قرا الكلام ده اكيد هيمشى
اصله حساس اوى
ويموت لو سمع عنه كله
يلا كل سنة انت طيب
وابقى صلى العيدهناك بقى فى شرم
محدش قدك
تانى يا أصيل
ح أرد مفس الرد بتاع المرة اللى فاتت و لا ايه ؟
الاختى الفاضلة صانعة الحرية
دايماً سباقة
ولو كان مش مصري احنا بقى مستحملينه
ليه ما يغور ويريحنا بقى
مروة الزراع
ايه نظرت التشاؤم اللي عندك دي
اضحكي للدنيا تتضحكلك
وتطلع لسانها وتقولك
حسنى قاعد على قلبكم ومش سايبكم
هههههههههههههههههههههههههه
ولاء
فعلاً ده لو مصري وبيجري في عروقه دم
مصري كان حس بالبيحصل للمصريين
وغار من زمان
حسبنا الله ونعم الوكيل
الجعفري(ميدو)هههههههههههههههههههههههه
اضحك الله سنك
نكته جامده موت
هو احنا فعلاً بعد 200 سنه هنلاقيه رده
كابس على نفسنا
يبقى الله يرحمنا
امام الجيل
اهلاً بيك
فعلاً مبارك حشاش جداً وبيتأثر جداً
ربنا يعينه
ويحميه في نار جهنم
الجمعاوي روش طحن
وصحبي الانتيخ
اهلاً بيك
وعلى فكرة انا مش فاهم قصدك
عفواً
انا مش داخل اعمل إعلان والله
بس الوقت ضيق
فاضل على عرفة يوم
ناويين على إيه
8 ذى الحجة
بسيطة جدا.. بكر هيطلع بسبور أمريكاني أو ياخد جنسية أي بلد تاني جنبنا ويقول لكم مش مصري ولازق لكم
نسأل الله العفو والعافية
جزيتم خيرا
عمر محمود ولا يهم حضرتك
انت تشرف في اي وقت
وجزاكم الله خيراً على التذكرة
وكل عام وانتم الى الله اقرب
شهاب باشا
هههههههههههههههههههههههههه
فعلاً ده لازقة ويعملها
كل عام وانتم الى الله اقرب
شكلى هجيبلكم عيش وحلاوه كلكم كده
يااخوانى
بصوا محدش خالد فيها
هاااااااااااااانت
فات الكتير مابقى الا القليل
وبعدين احنا بردو منبقاش ناكرين للجميل
ده كفايه انجازاته
مثلا يعنى
مثلا
مثلا :(
اكيد عمل انجازات ياجماعه بس انا مش فكراها
نيهاهاهاهاهاها
ابقوا هاتولى عيش وجبنه بلاش حلاوه مبحبهاش
ربنا يهدى يااخى والله بجد ادعو لكل الرؤساء العرب
ربنا يهديهم
الحسااب صعب اوىىىىىىىىىىىىىىىىى
الله يسامحك يا جمعاوي
وكل سنه وانت طيب
وربنا يتقبل منا ومنك
نوسه اهلاً وسهلاً بيكي
وبلاش عيش وحلاوة دي
خليها عيش وكفته
ههههههههههههههه
ربنا يعينه ويحميه في نار جهنم
قولو امين
ده ماهوش اي انجازات تذكر ياسيدتي
عاشقة الفردوس فعلاً ربنا يهديهم
دول هيشلوا يوم القيامة شيل
اكثر من مليار فرد عايشيين
غير اللي ماتوا وهم بيدعوا عليهم
دول هيشيلوا روبا
دكتور حر
سامحنا الله جميعاً
بس ليه كده هو انا قلت حاجة غلط
وكل عام وانت الى الله اقرب
كل عام و انتم بخير
اهنئكم بعيد الاضحى المبارك
تحياتى ابو مفراح
ابو مفراح
كل عام وانت الى الله اقرب
وعلى طاعته ادوم
وشكراً على الاهتمام
happy feast
full of meat
friends meet
relatives greet
clothes gdeed
money bel3abeet
afrah w zagharit
w tarabatateeeet
كل سنة وحضرتك طيب بمناسبة عيد الاضحى المبارك اعاده الله علينا جميعا باليمن والبركات
بالنسبة للمصرى صاحبنا
يمشى ازاى بس ... هو مش اكد عليكوا قبل كدة مية مرة انه قاعد مادام فيه قلب ينبض
تحياتى
شيماء
شقاوة شعب
اهلاً بكي
وكل عام وانتم الى الله اقرب
وعلى طاعته ادوم
وجزاكم الله خيراً على التهنئة بالعيد
وبالنسبة لاخينا المصري
ربنا يقطع نبضه
قولو امين
سلام عليكم
احلي كلام اللي بيتقال دة
بس دة هيطبق نظرية
هخربها واقعد علي تلها
واهو والله يعني بيحاول علي اد مايقدر ينفذ النظرية وجاري البحث من كل اتجاه
بس الشعب مطلع عينة الله يكون في عونة بس متقلقش امريكا واسرائيل بيساعدو بكل طاقتهم
وان نصر الله قريب
كل سنةوانت طيب
my hop$
كل عام وانت الى الله اقرب
وعلى طاعته ادوم
بارك الله فيكي
وفعلاً الشعب هو اللى قرفه في عشته
ههههههههههههههههههههه
فى ايه يا عمنا
انت مقريتش قصيدة يا شعبى يا حبيبى يا روحى يا بيبى يا حطك فى جيبى يا بن الحلال
لو ركزت شوية حتلاقى فى الآخر بيقولك ايه ؟
لكن لو تفكر تخطط تكرر تشغلى مخك و تفتح جدال
ساعتها حجيبك لا يمكن أسيبك و راح تبقى عبرة و تصبح مثال حبهدل جنابك و أذل اللى جابك و حيكون عذابك ده فوق إحتمال
حتقبل ححبك حترفض حلبك حتطلع حتنزل حجيبلك جمال
سلام يا عسل
وبعدين ايه حكايتك انت وجمعاوى
السلام عليكم
مؤمن حبيبي اهلاً بيك
معلش ياحبيبي انا عارف اني مقصر معاك
بس تعبان جداً والله
السلام عليكم
الباشا الكبير عامل اه ياعمي مداهية لتكون بخير ياصاحبي؟؟؟؟؟؟
وحشني جدا والله انت وجمعاوي بس خير
ندخل في الموضوع مالك داخل في الراجل شمال ارحمه شوية الراجل بضحي عشان احنا نعيش بيجوع عشان احنا ناكل بيعطش عشان احنا نشرب
ربنا يسامحكم يامن تظلمون الناس
حل من بلدنا بقي زهقنا حرام عليكم
بس تعرف خير
والميزة فيه انك لوصبرت عليه تاخد حسنات اصله ابتلاء ياصاحبي
والسلام
ماتحل...لو كنت مصري
ماالراجل من ناحية بيحل هو بيحل
بس بيحل شركات الأخوان وفلوسهم الحلال ويسيب عمك ممدوح سماعين يخرب فيها ويغرق شبابنا
خيييييييير
ربنا يايهدي
يا
يااااااااااااااااااخد
يعقوبي افندي
ايوه ياسيدي ما انت امتحناتك لسه يوم 3/1
على العموم اعتذر عن التأخير
لظروف المذاكرة انا
خلاص اتخنقت
ربنا يخلصنا بقى على خير
ويعمنا انا مدخلتش في حد شمال
هو اللي يستاهل
الله يسمحه بقى
وسلملي على الجعفري
وحلوة الصورة الجامده اللي
انتوا حاتنها دي
مش قولتك
هو المخ وانت العضلات
دعوة الفردوس
الله يكون في العون
على فكرة وانتي بتقولي بيحل شركات
افتكرته بيحل محاسبة شركات
هههههههههههههههههههههههههههههه
دي الماده للميعرفش اللي هنمتحن فيها اول يوم
ايه اخبار الشركات بقى بجد
ليه بس بتفكرني انا كنت لسه بذاكر وفاضلي الاسهم العينيه والعائد المحاسبي وربنا يستر بقى تبقى من الزمن يوم واحد شد حيلك يااخي وربنا يستر على الجميع ونوشا تعمل معانا الواجب ان شاء الله
السلام عليكم
ايه اخبار الامتخان؟؟؟
دعينالكم والله كلكم
السلام عليكم ورحمة الله
الى الاخت دعوة الفردوس
مادام سيرة مبارك جت في الموضوع
واتذكر في الشركات يبقى لازم الامتحان
يجي فيه تريكات بايخة
ياريت متذكروهوش في حاجة تانية
ربنا ما يرويكي امتحان صعب
ام القسام
صانعة الحرية
ربنا يجزايكم خيراً
على الدعاء والله هو دعائكم اللي وقف
معانا
وبدايه الى حد ما مش بطاله
وعلى الله الباقي يكون افضل
الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
عام مضى وعام يأتي ويارب السنه دي تكون أحسن من الي قبليها ونشوف نفسنا و مصر أحسن .... بدري بدري كده قبل الزحمه
عملت ايه يامعلم
الحيطة عاملة ايه بعد مالبست فيها
بخير الحمد لله
الحيطة طبعا
طمني بجد
والسلام
عبد الرحمن فارس
جزاكم الله خيراً على التهنئة الجميلة دي
وااحنا يا عمنا ولا احجار كريمة ولا حاجة
احنا على قدنا خالص
ومرة اخرى جزاكم الله خيرا
ونورت والله
الباشا الكبير
عز باشا اليعقوبي
هو انا ما لبستش في الحيطة اوي ياعني
الحمد لله
هو كان امتحان شركات رخم بس شوية
لكن انت عارف اخوك
احرجت الدكتورة طبعا
هههههههههههههههههههههه
المههم انت والجعفري عاملين ابه كويسسين
ربنا ما يرويكي امتحان صعب
واياكم
وفعلا الراجل ده نحسني على قد ماذاكرت محصلتش اوي يلا الله المستعان يارب الباقي يبقى احسن بعيد عن سيرته
دعوة الفردوس
اللهم امين
يارب الجاي يكون احسن
وربنا يوفققك في الحل في باقي الامتحانات
ويارب المراجعة تيجي كويسة
السلام عليكم
اخيرا لقيت الكومن عندك دا انا كنت بدور عليه ما علينا المهم
ربنا معاك الاول فى الامتحانات ثانيا بلاش تخوض تجربة الموقع اللى بيهاجم وائل عباس لانك بجد هتسمع كلام وحش جدا انا بس مجرد قولت راى زيك كده اتبهدلت وانا بنت نصيحه اخويه وانت حر
ودايما منور كوكبى الصغير
appy
اهلاً ومرحباً بكي في مدونتي
وعلى فكرة انا مكنتش قاصد اني اهاجم وائل عباس كشخص
ولكن كنت اهاجم موقف فحسب
وعموماً شكراً على السؤال عن الامتحانات
والحمد لله بتعدي واحده ورار التانية
الى حد ما مش بطالة
وربنا يستر
ازيك يا جمعاوى
يمشى يروح فين ؟؟؟؟
اصله عارف
لو اتزحزح سنتى واحد كل الناس هتاخد حقها
وبعدين مين قبله مشى ؟؟؟؟؟
اذكر الله
خالتي فرنس
عاش من شافك
المدونة منورة
وبعدين لا اله الا الله
يارب متكنش اخر زيارة
Post a Comment