وطن بإيدين الجدعان

هرسم وطن

ناولني فرشة ياعم وشوية الوان

اصلي ناويت ارسم وطن

ماتخافش ...مافيش قلق

دي كلها شخابيط ورق

لا فيه حكومة ولا معارضة ولا برلمان

ده اصل الحكاية كلها

شوية هلفطة في منام

لواحد صبح لقي نفسه عريان

هو برضو الورق يقدر يعمل وطن!!!

لكن تقول ايه بقي في تخاريف واحد خرفان

================================

الوان ايه !!!؟؟؟

هو انت ماتعرفش مطلوب الاوطان؟

شكلك تعليمك خواجاتي ياعم وهاتتعبني وياك

طيب قول عندك ايه وانا اخد اللي اشوفه كسبان

=========================

ابيض ؟؟؟ !!!!!!!!!!!!!!!!!!!!!!

يانهار الوان

وده اعمل بيه انا ايه

باقولك هارسم وطن

مش باقولك شكلك نعسان

ياعم قالولنا زمان

في القراءة والمطالعة والتاريخ وكل اشي كان

ان الوطن يعني اشجان

يعني ناس بتنداس بالقطارات

وناس بتموت بالسرطانات

وناس في عبارات غرقانة

وعيون بالدموع مليانة

وسما معبية دخان

طيب قولي انت بقي بزمتك

منين الابيض هايبان؟؟؟؟؟!!!!!!!!

==========================

احمر ايه ياعم

لالالا اسمع كلامي

دي بضاعة خسرانة ولون ماهواش مطلوب

الدم بس دلوقتي علي السكك وفوق الرصفان مسكوب

الدم في عروق الجدعان ؟؟؟؟

بخ

كان زمان

لا كانت بنات بتتعاكس

ولا عجوز واقف بيفكر

هايلاقي كرسي في اتوبيس

ولا خطفوه الشبان؟؟؟

ولا اقولك

اديني منه شوية

ده برضو ساعات الاحمر يكسب

هي مش سهرات كباراتنا بتترسم بالوان؟؟؟؟

===============================

ازرق؟

استني كدة .....مش عارف

ياتري لسة فيه نيل بيترسم ومية وشطآن

ولا الحكاية كلها خلصت

واتباعت قصور وفيلات ونايل فيو

ومخلفات مصانع

واشرب ياغلبان

ولا ارسم مراكب في النيل بتغرق

ورشيد اهي هناك

اسألها تشهد

هي هدوم الغرقانين بيميزوا فيها الوان؟

===============================

استني

قبل ماتمشي

لو عندك ازرق غامق ......هاته

ياشيخ ده ريحته تجنن

واهو برضو ليه سهراته

ده حتي ساداتنا زمان

ياما عاشوا في ملذاته

واخر الحدوتة نهبونا

وسابونا في كل حتة بنتهان

===========================

الاصفر اه ده هات منه كتير

دي اصلها صحرا كبيرة وقالولنا في كل خطوة بير

اشي بترول وفحم

ودهب وحديد وقصدير ....

قولي صحيح ...هي الانابيب لونها ايه ؟

ايوة ياعم دي بتاعة الغاز

بتاع اخواتنا شلومو وشامير

ولا دي في الصورة مش هاتبان؟

ماهي مدفونة

وفي بلدنا علمونا

ان اللي مش علي السطح مالهوش مكان

خايف ارسمها خطوط سودا وسط اللوحة

ساعتها مش هالاقي للاصفر مكان

=============================

قالولنا في حصص العلوم زمان

ان الاسود يعني مافيش الوان

يعني كل شيء عن الرؤية اتحجب

يعني الدنيا باظت

والشمس غابت

والليل وجب

واديك شايف حال البلد

ليل طويل من غير امل

في فجر من الليل يتولد

اقولك كلمة ياعم وتسمعها ؟

لو عندك باقي من الاوان. بيعها

واشتري لون الاحزان

ده في بلدنا دايما هو الكسبان

===============================

استني

انت هاتمشي ولا ايه ياعم.....

هو انت كدة عليطول بتخم ؟

لسة فيه حاجات كتيرة مالقتلهاش الوان

هو الوطن ينفع من غير كوسة وقرع وبتنجان ؟

طيب الرشوة ...اعمل فيها ايه ؟

والجهل... والفساد... والنهب

طيب انتخابات مجلس الشعب

كل ده مالهوش حسبان ؟

بلاش كل ده

طيب الجرايد القومية

وفرق المطبلاتية

والواسطة ...والمحسوبية

كل ده ماتعرفهوش ؟... ما ارسمهوش ؟

ولا كأنه ما كان ؟

تصدق بايه ياعم انت

انت قرفتني

زهقتني

وعلشان خاطرك بقي

انا مش عايز وطن

وهاتنازلك عن السكن

تحب اكتبلك وصيتي بالكفن ؟

روح ياعم

مش عاوز حاجة منك

بايدي انا هاعمل الواني

بايدي انا هارسم اوطاني

بايدي وبايدين الجدعان

هانرسم علم

مصنوع هنا

مكتوب عليه صنع الوطن

ماهواش صيني

ولا امريكاني

ولا مصنوع في ايران

منقول

الهجرة .. طريق الأمل

الحلقة الاولى

ها هو العام الهجري الجديد يهل علينا فيجدد ذكرى أعظم هجرة في التاريخ .. هجرة لا لكسب دنيوي، ولا رغبة في متاع زائل، بل لنصرة دين الله تعالى، وإعلاء كلمته، وإفساح المجال لهذه الدعوة الوليدة كي تشرق شمسها على العالم فتبدد الظلمة نوراً، والجهالة حلماً، والتخلف علماً وحضارة.

إن ذكرى الهجرة تعني الصفحة البيضاء والتاريخ المشرق الذي يجب أن تعمل الأمة من خلاله وعلى ضوئه لتصل حاضرها بماضيها وتخط صفحات مستقبلها

كانت الهجرة نواة تأسيس دولة الإسلام في المدينة المنورة، بعد أن غرس النبي صلى الله عليه وسلم الإيمان في النفوس، وربى رجالاً في أحضان مكة المكرمة طوال ثلاثة عشر عاماً. وكان أول ما قام به الرسول صلى الله عليه وسلم فور وصوله إلى دار هجرته بناء المسجد، ذلك المحضن الطاهر الذي يكفل له الانطلاق بالدعوة إلى آفاق أوسع.

وكانت الهجرة كذلك رمزاً للرفض التام لهذا المجتمع الوثني في مكة مجتمع قريش الغارق في بحار الجهل والظلام، المتعنت في غروره وكبريائه، السادر في غيه وطغيانه

وقد صورت الهجرة أنقى وأجمل صورة عرفها التاريخ في سبيل نصر العقيدة والحق والفضيلة، وما كان ليتيسر لها ما تيسر من نجاح لولا رعاية الله لها وتوفيقه للمؤمنين المهاجرين، ثم أخذ النبي القائد بالأسباب المادية المتاحة من الاستعداد والتجهيز وحسن التخطيط والتنظيم

من هنا تبقى الهجرة نموذجاً رائعاً وحدثاً جليلاً يحمل دروساً عدة متجددة في الصبر والفداء والتضحية والإيثار والإخاء والشجاعة والعدل والحكمة لكل المسلمين في كل زمان ومكان

من رحم المعاناة॥ خرج جيل النصر

كانت الهجرة نقلة نوعية عظيمة وفتحاً كبيراً للإسلام بل تغييراً لوجه الأرض بأكمله، تلك الأرض التي كانت تئن من ظلم الظالمين وجهل الجاهلين، وعبث العابثين وشرك المشركين. كما كانت فرجاً ومخرجاً وعزاً ومنعة للمسلمين، فأصبحوا بعدها أصحاب دار وقرار، وعز وقوة وأمان، وفي ذلك يقول الحق جل وعلا مثنياً على نفسه، ومذكراً الصحابة بهذه النعمة عليهم: (واذكروا إذ أنتم قليل مستضعفون في الأرض تخافون أن يتخطفكم الناس فآواكم وأيدكم بنصره ورزقكم من الطيبات لعلكم تشكرون) (الأنفال - 26). وجيل النصر هذا الذي خرجته الهجرة المباركة مثال حي للمسلم الواعي صاحب الفكر الراسخ والعقل الناضج، والعقيدة المتينة، صاحب المنهج السليم الذي لا يساوم فيه ولا يحيد عنه ولا يتذبذب ولا يروغ عنه روغان الثعلب، بل يقنع ويعتد بمنهجه الأصيل الذي هو كالذهب، لا تزيده الابتلاءات والمتاعب إلا إشراقاً ولمعاناً।

ولنا لقاء اخر ان شاء الله