ضهري انصلب يامصر ومش هنحني تاني
قلبي بري م الخوف لما الأمل جاني
وكأني طير ف السما ونسيت أحزاني
سنين كتير منحني مترفعلي راس
وكلاب ولاد الإيه عملوا خدي مداس
والسجن جفف ضلوعي غيب الإحساس
من بس شمة كرامة رجعت من تاني
كداب وقال أنه يفهمني وغيره (لأ )
وإني سافل وملناش ف الكرامة حق
بالنعل نمشي منقدرشي نقله لا
وقلنا (لا) وادي( لا ) بتهز أوطاني
حاسس بأني عظيم زي الهرم والنيل
إني هترك كرامة لمليون جيل
وإني من خير ولادي لقيت لي دليل
يسلم شباب مصرفرحني وعلاني
الشاعر شعبان عاشور
