ما تحل ..............لو كنت مصري

ماتحل عنا.................. لو كنت مصري

وصلني رسالة من نفس الصديق العزيز بتاع رسالة الجيش العربي فين

وهي كلمات اغنية على وزن اغنية محمد حماقى بتاعت

الا بقى اللغبطة دي ليه

بقت حاجة محتاجة مليون سؤال

اللي بيحصل في البلد دي

دي بلدنا . . كترت بلاويها

ويقول لك ريسها حاميها!!

امال خيرها ده فين؟؟

يا فرحتي عايشين من غير حروب

30 سنة جوه البلد دي

وبلدنا خيرها ماهوش لينا

ده بيدخل جيب

اللي حاميها

على كده عيشنا سنين . .

ما تحل عنا بقى زهقتنا

خلتنا نكره انك وسطنا

لو قلت هامشي كده ريحتنا

وكفاية بقى

لو كنت مصري زيك زينا . .

بتحب مصر ابعد عننا . .

ما بقاش فيه حد عايزك مننا

وكفاية شقى

ياما سمعنا كلام ووعود كتير

في برنامجك الانتخابي

وعيشتنا غليتها علينا

خلتنا نمشي على ايدينا

عشان ناكل عيش

ياما سمعنا كلام ووعود كتير

ماشفناش ولا شيء ايجابي

ملينا

سيبنا بقى كفاية

ما لقينا للفقر نهاية

ولا عرفنا نعيش!!

ما تحل عنا بقى زهقتنا

خلتنا نكره انك وسطنا

لو قلت هامشي ريحتنا

وكفاية بقى!!

لو كنت مصري زيك زينابتحب مصر ابعد عننا

ما بقاش فيه حد عايزك مننا وكفاية شقى

ما تحل عنا لو كنت مصري

تاج......... مقدرش......مردش عليه

التاج ده تاجنا ولازم نرد عليه

هذا التاج مرسل الي من ام القسام (صانعة الحرية سابقاً) ولابد من الرد عليه

واستعنى على الشقى بالله ونبدأ الرد عليه

ماهى سورتك فى القران(اى احب سوره اليك تقرأها فى فرحك وفى حزنك)؟

احب سورة الى قلبي هي سورة ( الكهف ومريم) جداً

ماهى احب ايه اليك الايه التى دائما تتمناها؟

قوله تعالي (قل ياعبادي الذين اسرفوا علي انفسهم لاتقنطوا من رحمه الله) وأشعر بها جداً

حينما اكون قد اقترفت ذنباً وارجوا من الله ان يغفره لي فلا اجد الا ان اقرأ هذه الاية

وقوله تعالى (ان الله اشترى من المؤمنين انفسهم واموالهم بان لهم الجنه) وهذه الاية هي المشجعة على السير في طريق الله والعلم اننا لانملك شئ لانفسنا وان الامر كله بيد الله

ما هى اكثر ايه تخاف منها وتدعوا الله الا تكون من اصحابها؟

قوله تعالى ( وقدمنا الى ما عملوا من عمل فجعلناه هباء منثورا) فانا اخاف جداً من هذه الاية

فهل يمكن ان نأتي يوم القيامة ونجد كل خير فعلناه وكأنه لم يكن

فيدب الخوف في صدري اللهم لا تجعلنا من هؤلاء الذين يصبح عملهم هباء منثورا

ما هى الايه التى تشعر بانها تتحدث عنك؟

قوله تعالى(قل ياعبادي الذين اسرفوا علي انفسهم لاتقنطوا من رحمه الله)فهذه الاية اشعر

حينما اقرأها ان الله يحدثني ويقول لي انك مهما بلغت ذنوبك عنان السماء

فلا تيأس وراجع الى وانا اغفر لك

من احب صاحبى واحب صحابيه اليك؟

احب صحابي الى قلبي هو الفاروق عمر بن الخطاب لانه يأتي الاسلام يوم القيامة

ويقول هذا نصرني وهذا خزلني حتى يأتي الى عمر بن الخطاب

فيقول كنت غريباً حتى جاء هذا الرجل

فأتمنى ان يقول لي الاسلام مثلما قال لعمر بن الحطاب رضوان الله عليه

اما الصحابية

فهي ام المؤمنين خديجة رضوان الله وبركاته عليها

فهي التي اوت رسول الله صلى الله عليه وسلمه وحمته

وصدقته واول من امنت به اللهم ارزقني زوجة مثل ام الؤمنين خديجة

من احب نبى اليك بعد الحبيب صلى الله عليه وسلم؟

احب سيدنا موسى جداً وسيدنا يوسف

اذا كنت على العهد النبى صلى الله عليه وسلم فمن كنت تحب ان تكون ولماذا؟

احب ان اكون خالد بن الوليد رضوان الله عليه

فهو لم يهزم في معركة قط حتى المعركة الوحيدة التي شارك فيها ضد المسلمين انتصر فيها وهي غزوة احد

فانا لا احب الهزيمة وياأهلاً بالمعارك

ما هو منتداك وموقعك المفضل؟

انا منتداي المفضل حارة زعتر وأهلي فور ايفر

فانا اهلاوي صميم

وموقعي المفضل موقع الاستاذ عمرو خالد

وموقع اخوان اون لاين

ما هى احب الاسماء التى تحب ان تنادى بها؟

احب الاسماء التى احب ان انادى بها هو(..............)عذراً اتركه لنفسي

لن اقوله الا لزوجتي ان شاء الله

من هو كاتبك المفضل؟

انا كنت الاول مبحبش القراءة لكن الان احب ان اقرأ

وكاتبي المفضل الصلابي

والدكتور خالد ابو شادي

والدكتور مجدي الهلالي

مدون له فضل عليك او استفدت منه؟

طبعاً صحبي الانتيخ جمعاوي روش طحن هو سبب دخولي عالم التدوين بارك الله فيه

وهو من احب الناس الى قلبي

من هو قاريء القرآن المفضل لديك؟

اعشق عبد الباسط

ويليه مشاري راشد

من هو منشدك المفضل؟

احب ان اسمع اناشيد الحزن مش عارف ليه

والمنشدين المفضلين

ابو خاطر

وابو مازن

محمد نجيب وعصام عبد الفتاح

ما هو نشيدك المفضل؟

لي ثلاث اناشيد احب ان اسمعهم

الاول غرباااء

الثاني صوت الغربة والاغراب انين الحزن فيه غلاب

الثالث انا مسجون بلا سجان ولا قضبان ولا انسان ويايا

اذا كان لك دعوه واحده تدعوها وستتحقق فبماذا ستدعوا؟؟

اللهم ان كان لنصرة هذا الدين كي يمكن في الارض ويسود شهداء فاجعلني منهم يارب العالمين

من هو الداعيه المفضل لديك او شيخك المفضل؟

الداعية المفضل لي هو الاستاذ الجليل فك الله كربه

الشيخ وجدي غنيم

الاستاذ عمرو خالد

الاستاذ عمر عبد الكافي

الشيخ كشك

الشيخ محمد حسان

ماهي اكثر عباده تشعرك انك قريب جدا من الله ؟

العبادة التي اشعر فيها انني قريب جداً من الله

هي عبادة التأمل والتفكر والمناجاة

غير الصلاة طبعاً

ماهو املك في الحياه؟

املي ان يرضى الله عني

وان ينصر الاسلام ويعز المسلمين

وان يرزقني صلاة في رحاب المسجد الاقصى وشهادة على اعتابه

من احب افراد عائلتك اليك؟

اعتذر عن اجابة هذا السؤال واتركه لنفسي

هتمرر التاج لمين؟

جمعاوي روش طحن

دعوة الفردوس

لسه عايش

سلكاوي على طول

الدكتور حر

المواطن المطحون

البغدادي

اي حد يجي ياخد التاج

ويتوكل على الله

الجيش العربي فين

جاتلي رسالة من صديق عزيز

بافتحها لقيت قصيدة رائعة

للشاعر محمد بهجت

عجبتني بصراحة قولت لازم اجبهالكم

الجيش العربي فين

الجيش العربي فين
الجيش العربي في مصر
ساكن في مدينه نصر
بيصحى من النوم العصر
وبيفطر شاي و منين
============================
واحد اتنين الجيش العربي فين
الجيش العربي في سوريا
حالق عالموضه كابوريا
وعلى طريقه فكتوريا
خلى الترماي بدورين
===========================
واحد اتنين الجيش العربي فين
الجيش العربي الليبي
زي الفن التكعيبي
كله بتنجان يا حبيبي
الظاهر واخد عين
============================
واحد اتنين الجيش العربي فين
الجيش العربي خليجي
ما فيه حيل لا يروح ولا ييجي
هذا صمت استراتيجي
اش فيك يا غراب البين
==========================
واحد اتنين الجيش العربي فين
الجيش العربي في تونس
اخضر مثل البقدونس
وعزيزه بتعشق يونس
يبقى الحروبات بعدين
============================
واحد اتنين الجيش العربي فين
الجيش العربي سوداني
سامع خطوته بوداني
هو انا ههجم فرداني
يالا ارجع يا ابو حسين
==========================
واحد اتنين الجيش العربي فين
الجيش العربي اتهان
يوم ما انضربوا الافغان
وسكت في البوسنه زمان

وقبل ياكل بالدين
واحد اتنين الجيش العربي فين

التاج علينا حق

لولولولولولولو................تاج من صمود

لابد من الرد عليه

لومكنتش مصري بس عربي كانت هتبقى إيه نظرتك

للمصريين واللي بيحصل في مصر دلوقتي؟
ردي هيكون غريب شوية
بس لولم اكن مصرياً لوددت ان اكون مصرياً رغم كل مايحدث فيها
وستظل مصر في قلبي واقول للمصريين

.((ان الله لايغير ما بقوم حتى يغيروا ما بانفسهم ))
لوكنت أوروبي أو غير مسلم بردو إيه نظرتك للعرب والمسلمين؟
حسب العصر اللي انا عايش فيه
فلو كانت في عصر اوربا المظلمة لوددت ان اكون عربياً مسلماً
لما وصلوا اليه من تقدم وازدهار وحلاوة الدين الاسلامي
ولو كنت في هذا العصر لكانت نظرتي ان هذا الاسلام دين عظيم
ولو صار عليه هؤلاء القوم لسادوا العالم لكنهم يغفلون عنه
لوقالولك إنت بقيت رئيس جمهورية هتعمل إيه؟
اولاً قرار رئيس الجمهورية بهدم السجون السياسية
ثانياً قرار رئيس الجمهورية القبض على كل الحرامية واصحاب القروض وقضايا الفساد
والسيد الرئيس حسني مبارك
ومعاقبتهم اشد العقاب
اطلاق الحريات والغاء القوانين سيئة السمعة
اخيراً التنازل عن الكرسي والرئاسة وعمل انتخابات
يتقدم اليها كل من يرى في نفسه انه قادر على خدمة هذا الوطن وعلى الشعب حرية الاختيار
لوكان ينفع ترجع طفل تاني وتخليك طفل علطول هترجع؟ وليه؟
ليس دائماً لاني احب في الطفولة اللعب واللهو ومكنتش شايل هم حاجة خالص
وكنت اللي بعوزوا بخده بكل سهولة
لكن دلوقتي افضل فانا الان لي هدف محدد اسعى من اجله
وهو ((اسعاد البشرية بنور الاسلام))ولي رأي حر اقدر على ان اطرحه

بدون قيد وبعدين لكل مرحلة سنية طعمها الذي يميزها
لوإنت طبيب وعندك مريض ميؤوس من حالته

أيهما تفضل إنك تصارحه بالوضع وتقوله كل شيء بأمر الله في الاخر

ولا تغرس فيه الامل لغاية لما يموت؟
انا والله مش دكتور
لكن اظن ان الافضل عدم مصارحته حتى لا يستسلم للمرض
ولكن اقول لمن حوله من اقاربه وازرع فيه الامل ان مرضه بسيط وميخفش
وان شاء الله مرحلة وهتعدي
وانصحه يزود علاقته بربنا قوي
لوسمح لك برؤية الرسول عليه الصلاة والسلام وإنك تقوله
كلمة واحدة بسأو جملة واحدة بس هتكون إيه؟
ياااااااااااااااااااااااااااااااااااااااااه اشوف النبي
وحشتنا قوي احنا مفتقدينك
لوخطبت واحدة وأثناء الخطبة اكتشفت إن الطرف الآخر

غير قادر على الإنجاب هيكون تصرفك إيه؟
الحب يصنع المعجزات وهذا قدر الله
لو كنت احب الطرف الاخر فسوف اقبله على ما هو عليه
وهحط نفسي مكانها لو انا كنت اتمنى هي تعمل ايه
وهعمل اللي انا كنت اتمناه منها
لوطلعت القمرهتكتب إيه عليه؟
لا اله الا الله محمد رسول الله
نحن قوم اعزنا الله بالاسلام فان ابتغينا العزة في غير الله اذلنا الله
لوكنا في عصر ازدهار الأندلس كنت تتخيل نفسك إزاي؟
اتخيل انا فارس على حصاني وسيفي يأدب العادي
انا فارس اشارك في الفتوحات الاسلامية
لوأنا مررت التاج ده لحد وما جاوبش عليهأعمل فيه إيه؟
بصراحة
الله يسمحه والتمسله العذر

لو أحب أمرره أمرره لمين ؟
جمعاوي روش طحن (فكك مني)0
عمر سلامة (لسه عايش)0
مؤمن(كلام في الممنوع)0
(نحو الحرية).
وأي حد هيمر ياخد التاج معاه ويمشي

جائزة الدولة التقديرية لهؤلاء

انجازات حكومة نظيف

على الشعب المصري الذي يعطي كل ذي حق حقه الاعتراف الكامل بنجاح حكومة رئيس

الوزراء احمد نظيف في مهمته القومية التي قد قام السيد الرئيس محمد حسني مبارك

بتكليفه بها وقد قام السيد رئيس الوزراء بتنفيذ تعليمات السيد الرئيس وبكل دقة.

فإن الشعب المصرى يتذكر بكل الفخر والتباهى الإنجازات المهولة التى فعلتها الحكومة

المذكورة فى مصر من ارتفاع الأسعار إلى تضاعف أرقام العاطلين والمتضخمين

والمرضى. الأمر الذى يؤكد نجاح برنامج الدكتور أحمد ووزرائه من كبار حيتان الفكر

الجديد الطالع من قاع المحيطات. وكل يوم يمر تتأكد الرؤية العميقة للحكومة وتتكشف

الأغطية عن الإنجاز تلو الإنجاز، بشهادات مضروبة من مؤسسات دولية للتطعيم

والايزو.وتعود الإنجازات المذكورة، إلى القراءة العميقة التى قامت بها حكومة الدكتور

نظيف، لبرنامج الرئيس، وقد علمنا أن حكومته خصصت حصصا للقراءة والمطالعة،

يقوم فيها الوزراء بتسميع برنامج الرئيس على رءوس المرضى، والعاطلين ليتم الشفاء

والتوظيف بقدرة قادر. فالبرنامج مبرمج والنتائج التى تحققت تجاوزت المأمول ودخلت

فى المعمول. واتجهت نحو التعاضد الانكماشى للإنجاز المهلك. وهناك أزمة بسيطة هى

أن المواطن لا يشعر بهذه الإنجازات، على المدى القصير والحاضر، لكنه ربما يشعر بها

بعد عمر طويل إن كان له عمر، مثلما أعلن أمين لجنة اللجان والسياسات بالحزن

الواطي الماضى المستمر. ولا يمكن للحزن أن يعترف بكون الفساد والفشل هما السبب

فى أن المواطن لا يحس بأى إنجاز من تلك التى تتغنى بها فرقة التصريحات، ولا

بالشهادات التى تجهد الجهات المعنية نفسها فى البحث عنها من مؤسسات دولية، تشيد

بفداحة الإنجازات، وتبشر المواطن بحياة خضراء عليه وعلى أهله فى القريب البعيد غير

العاجل. أو فى المشمش. فالحكومة وحزنها الواطي يراهنان على الزمن، وأقرب

الأجلين، للمواطن طبعا. ولا تجد قيادات الحزن الحاكم من أمثال الأستاذ جمال مبارك

وزملائه فى حضانة المستقبل السياسى أى شبه بين ما يقولونه وما سبق أن أعلنه

الدكتور عاطف عبيد رئيس الوزراء السابق الذى كان يصرح ويتحدث ويعد مثلما يفعلون

الآن ويقول إن الشهادات الدولية تشيد بسياساته والجهات العالمية تفرح بإنجازاته ولما

رحل أعلنوا أنه كان يقود حكومة من الفاشلين مع أن نصف الحكومة الحالية من أعمال

واكتشافات عبيد. والأمر حسب رؤية السيد أمين السياسات أن الحزن الحاكم وحكومته

فشلا فى تحسيس المواطن بحجم الإنجازات، مع أنها ليست إنجازات سرية، أو تدور فى

بلد آخر، ونتائجها الواضحة هى ارتفاع الأسعار وسوء الأحوال، والعجز والمرض

والبطالة، وكلها إنجازات تستحق أى حكومة عليها جائزة الخراب المستعجل. لكن على

كل الأحوال على المواطن ألا يشعر بالضيق أو العجز من ارتفاع الأسعار والبطالة

وانخفاض العلاج وقيمة الجنيه، وعليه أن ينظر لنصف الكوب الفارغ الثانى، بدلا من

النصف الفارغ الأول على اعتبار أن كلا النصفين فارغ وخال من السياسات. وعلى

المواطن أن يعتصم بالنظرة الشاملة. وألا تستند إلى الرؤى المعارضة التى يعتبرها السيد

جمال وأصدقاؤه من الماضى، بينما نحن نعرف أن نظامنا السياسى من الماضى منتهى

الصلاحية، بأكثر من ربع قرن ويستمر ويتواصل بالرغم من أنه استنفد مرات الرسوب

وعجبي

غلاء الاسعار

حينما يقف الكلام على اللسان

وحينما يعجز القلم عن الكتابة

هنا نترك الصورة تتكلم ..؟؟

ونترك لزائرينا حق التعليق

احساس غريب........؟؟؟؟؟؟

وطن حر بلا سجين رأي واحد

لاول مرة اشعر بهذا الاحساس في الملتقى الاول للمدونين بجليم بالاسكندرية وبالفعل كان يوم الاحاسيس

في البداية يوم 23 رمضان كنت في الاعتكاف وواقف في المطبخ اللي بنجهز فيه الاكل للمعتكفين واذا بالتليفون

تم استلام رساله

رسالة من هاني يوسف(بحب الحرية)0

وكانت الرسالة عن المؤتمر الاول للمدونين بعنون لجنة سجناء الرأي وحقوق الانسان الخميس 19/10

وكان معي في المطبخ في هذا اليوم

جمعاوي روش طحن(فكك مني)0

ووصله نفس الرسالة واتفقنا هذا اليوم على الذهاب لهذا المؤتمر كأي مؤتمر عادي متعودين بنحضره

وجاء يوم المؤتمر وكان معايا جمعاوي

ومؤمن (كلام في الممنوع)0

وكنا مع بعض واتفقنا ان احنا رايحين مع بعض

لكن جمعاوي روش طحن جاله ميعاد فجأءه وقال انا ياجماعة مش عارف هاعرف اجي ولا لا

فقلناله خلاص احنا رايحيين ولو عرفت تيجي تعالى

وركبت انا ومؤمن رايحيين جليم

الاحساس الاول

كانت اول مقابلة مع مؤمن وكان اول تعارف به وفي الطريق تعرفت عليه وشعرت بالسعادة لاني تعرفت على شخصية لذيذة مثا مؤمن

وحينما وصلنا الى نقابةالمحامين بجليم وجدنا في الاستقبال 2 اعرفهم شخصيا

هاني يوسف(بحب الحرية )0

عصفور(المواطن مطحون )0

و1اول مرة اوشوفة واتعرف عليه

سعيد دومة (شاعر الاخوان)0

وكان هذا اول احساس اشعر به وهو التعارف على المدونين من منطلق وتعارفوا0

الاحساس الثاني

عندما دخلت النقابة ووشاهدت معرض الصور

وهذه المرة كان احساسي بالأسى للي بيحصل في مصر من قتل لحقوق المواطن وقتل لاي حق كرم الله به الانسان عن غيره من

المخلوقات واصبحت الحكومة بتعاتنا متخصصة في قتل اداميتنا وجعلنا مثل الحيوانات بل اقل حقوقاً

الاحساس الثالث

وكان هذا لااحساس حينما بدأ المؤتمر وهو اساس بحب الوطن وحب مصر

حينما بدأ المؤتمر بالسلام الوطني لجمهورية مصر العربية واذا بكل الحضور يقف تقديرا وحبا لهذا الوطن

وهنا شعرت ان مازال هناك من يحب ويحترم هذا البلد الغالي علينا ويخاف على مصالح هذا الوطن

الاحساس الرابع

وهذا الاحساس احساس بالفرح لان الجمعاوي رش طحن كان وجعلي دماغي

بعمرو سلامة(لسه عايش )0
وحين بدأ المؤتمر تقابلت مع اجدع شاب واجدع مدون رجل من رجال الشرقية عمرو سلامة

وكان معه شاب روش طحن وهو سيف الاسلام(سيف مش معاهم)0

وهو بطب اسيوط وتحية كبيرة قوي لبتوع الشرقية

الاحساس الخامس

هذا هو الاحساس الاخطر فهو الاحساس بالخوف نعم احسست بالخوف على هذا الوطن حينما صعد كلا من الشاعر عبد الرحمن يوسف ومن بعضه الشاعر محمد جوده واخذا يسردا حال مصر في بيوت شعرية موثرة للغاية حتى ان شعري وقف من هول الكلام ومن شدته وكان هذا هو الاحساس الاخطر

عبدالرحمن يوسف

الاحساس السادس

وهو الاحساس بالمسئولية الكبيرة وذلك حينما تحدث الدكتور ابراهيم الزعفراني وقال انالامل في المدونين وانهم هم الموكلين بفضح الظالمين وهنا شعرت اننا علينا دور كبير في فك اسر هذا الوطن

الاحساس السابع

هو احساس بالشفقة

وذلك حينما استمعت لكثير من الققص المئسوية التي عرضها اصحابها في سياق برنامج المؤتمر فاحسست بالشفقة ولو للحظة على هذا الرجل القابع بقصر الرئاسة بمصر الجديدة وتذكرت عمر بن الخطاب حين قال اخاف ان تعسر دابة في العراق فيسألني ربي لما لم تمهد لها الطريق فما بالك بالبشر لما لم توفر لهم الطعام لم ظلمتهم لمسرقتهم هل سيجد هذا الرجل الاجابة ؟؟؟؟؟

الاحساس الاخير
هو احساس الترابط ولاوحدة

وذلك بعد انتهاء المؤتمر واذا بكل المدونين يتسابقون لياخذوا صور جماعية لتوضع في ارشيف لجنة سجناء الراي وحققوق الانسان وهذا دليل على الترابط الذي نتج فيما بينهم واليكم مجموعة من الصور

وفي هذا السياق لقد تعرفت على اصحاب مدونات كثيرة

مثل(الشاعر - جيل الصحوة -حتى توقد شمعة - مشاحيت - ديناموا الاخوان - متر الوطن بكام - منفي - )0 وغيرهم الكثير من المدونين الحاضرين في المؤتمر

وبعد الختام اجتمع الدكتور ابراهيم الزعفراني (ذكريات الزعفراني)0

بالمدونيين الموجودين واتفقوا على الاتصال الدائم فيما بينهم والتواصل عبر( يلا نفضحهم)0

وبعدين خرجنا على البحر

العبد لله

وجمعاوي روش طحن(فكك مني )0

وهاني يوسف (بحب الحرية )0

ومحمد محمود (حتى توقد شمعة )0

ومحمد عصفور(المواطن المطحون )0

وكنا قاعدين ادام فندق سان استيفانو بناكل (فول وطعمية ) وهذا كان الختام0

وكانت هذه صور للذكريات

وبها (ميخا - فكك مني - لسه عايش - سيف مش معاهم) 0

مع كل من الشاعران الكبيران محمد جوده وعبد الرحمن يوسف

اما الصورتان الاخيرتان مع الرجل الذي اعشقه هو الاستاذ صبحي صالح

حينما تسلب ارداة الطلاب

حينما تسلب ارادة الطلاب

ان ماحدث اليوم في مجمع نظري دمنهور ماهو الا مشهد من المشاهد التي اعتدنا ان نراها من تلك الحكومة

ان ماحدث اليوم هو حلقة من حلقات المسلسل البايخ الممل الذي تعرضه الحومة على هذا الشعب النائم الذي لا يعرف اين حقوقه

ان ماحدث اليوم هو اغتصاب لحق شريحة عريضة من شرائح المجتمع الا وهي شريحة الطلاب

واليكم ماحدث بالتفصيل

وانا رايح الكلية النهارده 16/10حوالي الساعة 10ص وانا ماشي في شارع الكليات خير اللهم اجعله خير لقيت المنظر ده

عربيات الامن المركزي في شارع الكليات بدمنهور

اربع عربيات امن مركزي معسكرين في الشارع قولت هي الحرب قامت ولا ايه فالمنظر يوحي بان هذه العربات تقف لحماية سجن به مساجين خوفا من هربهم ما علينا المهم دخلت الكلية وجوه الكلية لقيت الدنيا مقلوبة ايه ياجماعة في ايه قال ايه في الناهرده فتح باب سحب استمارات الترشيح لانتخابات اتحاد الطلاب

قلت ياجماعة هي مش الانتخابات في شهر 11 قالولي اصل العيد جه بدري السنة دي وانت عارف لازم الانتخابات تكون رابع يوم العيد علشان ميكنش في طلبة ويعملوا قلق وبتاع قلت ياولاد اللعيبة اما الحكومة بتعاتنا دي بيفكروا تفكير يهود المهم

قلت ياجماعة طب ما يلا بينا نسحب استمارات قالوا يلا بينا ونفاجأ بالمنظر

كلية الاداب

الباب مغلق وعليه عامل وليس به موظفين

كلية التجارة

المكتب فارغ تماما

كلية التربية

هناك ترسانة عسكرية امام الشباك

المهم انتظرنا نص ساعة ورجعنا تاني

كلية الاداب المعاملة من الشباك ياستاذ

ماشي يباشا

والمفاجاءه نروح الشباك ونلاقي السيدة الفاضلة المسئولة قاعده تملى استمارات وتحت الصور عليه وتختمها ولما طالبناها باستمارات (طلبة كلية الاداب ) قالت لازم يكون ليك نشاط ملحوظ دائم مستمر متكرر علشان اديكم استمارات مع نا الائحة بتقول ان من حق الطالب سحب الاستمارات وتقديم الاوراق المطلوبة وبعد كده يترفض او يتقبل حسب مطابقة المواصفات فقال لها احد الطلاب حضرتك انتي الاستمارات اللي قدامك دي طلبة ليهم نشاط دائم ومتكرر وملحوظ قالت له انت هتعلمني شغلي وبعدين انا مش هديكوا استمارات يلا بقى

كلية التربية

خشوا جوا متقفوش على الشباك كده

ماشي

استاذ سعيد مسئول المكتب اسألوه

ماشي

لو سمحت يا ستاذ سعيد عاوزين استمارات

استمارات ايه

استمارات الترشيح لانتخابات الاتحاد

معرفش حاجة عن الاستمارات دي هو في انتخابات النهارده

امال ايه اللي جاي في المصري اليوم ده يا ستاذ سعيد وبعد حوار وجدال

استاذ سعيد بصوا بقى في استمارات وانا مش هديكوا

احد الطلاب حسبنا الله ونعم الوكيل سوف تحاسبون امام الله عن هذه الحقوق التي تسلبونا ايها

كلية التجارة وحوار دام لمدة 1 ساعة

السلام عليكم

وعليكم السلام

عاوزين نسحب استمارات ترشيح

مع الاستاذ ياسر

ماشي

لوسمحت يا استاذ ياسر عاوزين استمارات ترشيح

والله انا كنت واخد اجازة ومعرفش حاجة عن الاستمارات دي الموضوع مع المدام بدرية وهي غايبة النهارده

ازاي غايبة هو مش النهارده فتح باب الترشيح

مش عارف والله اطلعوا للعميد

مكدبناش خبر طلعنا للعميد الدكتور احمد مندور ونحن متخوفين فهو متعين جديد واول مره نطلعلوا

ودخلنا للسيد العميد

استاذي الفاضل هو مش النهارده فتح بابا سحب الاستمارات للترشيح لانتخابات الاتحاد

ايوه

امال احنا رحنا رعاية الشباب ومش راضيين يدونا حاجة

ازاي الكلام ده مدام ينطبق عليكوا المواصفات لازم يدوكوا استمارات

قولتلوا هو مش احنا ناخد الاستمارات وبعدين يبقى الاوراق مستوفية الشروط او لا

قال ايوه

قلتلوا خلاص حضرتك احنا عاوزين استمارات

قال خلاص انزلوا لاستاذ ياسر وان هو مدلكوش استمارات تعالوا لي

رحنا لاستاذ ياسر عاوزين استمارات

والله والله والله والله انا ماعرف مكانها وانا بحاول اجيب مدام بدرية على التليفون ومش لقيها

وبعد حوار دام نص ساعة من الشد والجذب طلعنا تاني للعميد فبعت لاستاذ ياسر ودخل استاذ ياسر واحنا منتظرين بالخارج

خرج علينا استاذ ياسر وقال ياجماعة وعد من العميد ان انتوا تيجوا بكره وتاخدوا استمارات ترشيح واحنا عارفين ان باب سحب الاستمارات الساعة 3

وخلينا ورا .........لحد باب الدار

وسنوافيكم بالاخبار غداً ان شاء الله في التعليقات

وعاد العيد يا متنبي

وعاد العيد يا متنبي ..وليس لأمر فيه تجديد ..!عاد العيد ..والأمّة التي غادرها قبل عام .. لازالت هي ذاتها لم يتغير ما بنفسها ..سألت يا متنبي .. وذهبت ..وبقينا نسنتسخ أعيادنا التي تتشابه .. هل أحدثك حديث العارفين بهذا العيد ؟!يا سيدي ..لقد توسع حكم كافور فاصبح يحكم العالم أجمع !ولو عدت أنت لوجدت أن " ما من صداقته بدّ " !!لقد اصبح كافور كما قلت ذات جنون :يدبر الملك من مصر إلى عدن :::: إلى العراق فأرض الروم فالنوب وأما سيف الدولة فلم تعد له دولة ولا سيف .. ولا حتى عصا !سلبوا منه عصاه رغم أنه مكلف برعي أغنام كافور ..أقنعوه أن الأمة التي يريد حكمها لا فرق بينها وبين أغنام سيده الأخشيدي .. فاقتنع !وصديقك اللدود أبو فراس تقاعد من الجيش الذي لم يعد الحرب من ضمن مهماته ..وتزوج فتاة من روما وأقام معها في المنفى !!هل تعرف العراق !ألا زلت تذكرها ؟!لقد عاد العيد ..وعادت إليها أمريكا ـ التي لا تعرفها ـ لتسحق العراقيين حفاظاً على حياتهم !رأت أمريكا أن أفضل طريقة للحفاظ على العراقي أن تقتله ، فالحياة مغامرة خطرة تسعى أمريكا لإبعاد العراق عن تجربتها !!وعاد العيد يا متنبي ..وعاد معه سيف الدولة الجديد إلى البيت الأبيض ..عاد سيف الدولة الجديد الذي لا يعلم الكثير من أبناء هذه الأمة ـ التي أضحكت الأمم بعدك حتى استلقت على قفاها ـ أنه مجرد موظف لا يستطيع تغيير وجه العالم في أربع سنوات !عاد للبيت الأبيض وتقاطرت عليه وفود الولاه لتقدم له البيعة ، لا تكتئب كثيرا... فلم يحضر الشعراء هذه البيعة !!وعاد العيد يا متنبي ..وعاد معه عرفات إلى رام الله بعد أن وجد أنك وصفت له قبل مئات السنين وصفة الخلاص والشفاء : كفى بك داء أن ترى الموت شافيا :::: وحسب المنايا أن يكن أمانيا تمنيتـها لمـا تمـنيت أن تـرى :::: صديقا فأعيا أو عدوا مداجيا عاد ومنعوه من دخول القدس حتى ميتاً ..عاد وعادت معه تلك الحكاية القديمة ..حكاية الأمّة التي تبحث عن رمز فلا تجده .. فتصنع لأنفسها أبطالاً وهميين لتتعلق بهم !عاد عرفات ميتاً ..لكنه لم يسقط من ذاكرة التاريخ .. وسيبقى رمزاً لأعدائه ومحبية .. سيبقى رمزاً وإن أختلفت الدلالات !!وعاد العيد يا متنبي ..وليس لأي أمر فيه تجديد ..وسالقاك هنا في عيد قادم ..وربما ستسألني لماذا أعيد عليك نفس ما أقوله اليوم ..وسأدعي أني ساقول لك نفس الكلام وأنا أثق في عقلي كما يفعل غيري .. ألم تقل : كدعواك كل يدعي صحة العقل :::: ومن ذا الذي يدري بما فيه من جهل وإلى عيد قادم !!

فاصل ........ونواصل

فاصل..........................ونواصل

نعتذر عن التوقف لمدة 10 ايام

وزي مانتوا عارفين العشرة الاواخر في رمضان فيهم ليلة خير من الف

شهر وكان النبي صلى الله عليه وسلم يتحرى فيهم هذه الليلة

ونلتقي ليلة العيد ان شاء الله

والسلام ختام

هل تشعرون برمضان ام ان رمضان هذا العام بلا طعم.....؟؟؟؟؟

السلام عليكم ورحمه الله وبركاته

اهلا بجميع المرور ومرحبا بكم

وكل عام وانتم بخير

وفى طاعة ومن طاعة الى طاعة

باذن الله موضوعنا فى سؤال

وقد ترددت عبارة الموضوع والسؤال امامى كثيرا كثيرا

لهذا احببت ان اعرضة

اسال الله ان يجد القبول والعون

هل تشعرون برمضان ام ان رمضان هذاالعام بلا طعم هل تشعرون بعد رمضان بالعيد؟

كثبر ما سمعت من بعض الناس مقولة ان رمضان دة ما لوش طعم ومش حاسين اننا فى رمضان

وكذلك فى العيد العيد يا اخى ما لوش طعم وكاننا موش فى عيد

ولهذا اردت الرد وارجو ان يكون موجز

هناك فرق بين شهر رمضان العبادة وشهر رمضان العادات والتقاليد

اما بالنسبة للعادات والتقاليد فهى ما لايخصنى فى الموضوع

لاننى مؤمن بان تقاليدنا جزء من جهلنا وضياع الدين مننا بسبب اختلاطها واختلاط الامور على الناس

فما عاد الناس يعرفون الفرق بين العادات والتقاليد والاسلام ( الدين ) اما بعد.

رمضان مش فوانيس وخيم رمضانية وفوازير ومسلسلات دى اسمها عادات وتقاليد

ولكن رمضان الاسلام و العبادات رمضان شهر الله شهر الصوم فهو شهر المغفرة والرحمه والتقرب الى الله

شهر يتساوى فية الفقير والغنى بين اطراف النهارشهر يتجمع المسلمين فية على مائدة واحدة وفى وقت واحد للصلاة والدعاءوالسحور

شهر يتسابق فية الجميع بالفوز بالمغفرة والرحمه والجنة هو شهر لا يقدر على تفصيلة وشرحة بشر

لكن لى ان اعبر عن الشهر بمفهومى شهر رمضان اخوانى ان لم تشعر به ان لم تشعر بانك فى رمضان

فقف

ثم قف

وانظر طويلا

وتامل

واسال نفسك

اين انت من رمضان ماذا فعلت فى رمضان ماذا تفعل فى رمضان

اين انت من هذا الشهر الكريم

هل بدات فى حفظ القرءان

هل نويت التوبة عما بدر منك قبلة

هل تذهب للصلاة

اين انت من صلاة التراويح

هل تقوم الليل فية

هل تغض بصرك

هل تعف فرجك

هل تناجى الرحمن

هل تساله العفو والعافية

هل بكيت وندمت

هل خشعت

هل نويت على تعلم كتاب الله

ان لم تذهب لله فى رمضان زاحفا باكيا نادما

اعلم ان العيب فيك ليس فى رمضان

رمضان موجود هناك من يشعر بوجوده

وهناك من يتمنى ان يكون طوال العام

فارجع

ارجع ابدا من جديد

فلم يمر من الوقت الا القليل

وهناك فرصة بل فرص

اما العيد

فلكم خاطرى الشخصى عن العيد

تعلموا ان لكل اختبار نتيجة

وتعلموا ان رمضان هو شهر الاختبارات

اذا النتيجة تظهر باذن الله فى العيد

فارتقبوا النتيجة

فان عملتم وعبدتم وسعيتم وبكيتم وخشعتم

فستذوقون فرحة وحلاوة العيد

ستجدون انفسكم تذهبون اوائل ايام العيد بترحيب

ايا كانت عاداتكم وتقاليدكم

لاستقباله فكل بعاداته ولكن الفرحة واحدة

واسال الله لى ولكم ان نشعر بفرحة وحلاوة العيد

وان نكون من الفائزين فى رمضان

ونساله ان يبلغنا بليله القدر

فهى ليله ليست كاى ليله

وانتم اعلم منى بهذة الليله

فاسالوة ان يبلغنا هذة الليله

فاسالوة ان يبلغنا هذة الليله

لعله يتقبل من احدنا

وندرك ليله القدر

فيغفر لنا فيها ونعتق من النار

والحمد لله رب العالمين

والسلام عليكم ورحمه الله وبركات

افتح يا سمسم..............؟؟؟؟؟؟؟؟

إخواني وأخواتي

في البداية احب ان اشكركم على الزيارة الكريمة

وأحب ان أوجه عناية سيادتكم انه قبل قرأة الموضوع علينا ان نجاوب على هذاين السؤالين؟؟؟

الاول:لو انت واقف ادام مغارة وقلت افتح يا سمسم وباب المغارة فتح ولقيت دهب وياقوت ومرجان هتعمل ايه؟؟؟؟

الثاني:لو واحد عمل اللي انت عملته ده وبعد مادخل انبهر من الموجود وراح خارج من غير ما ياخد حاجة خالص تقول عليه ايه؟؟؟

اجابتم على الاسئلة.....ماشي

لو انا دخلت المغارة ولقيت الحجات دي كلها هأقول دهب ياقوت مرجان احمدك يارب وهقعد اعبي اعبي اعبي على قدر استطاعتي

وقول على اللي خرج من غير ما ياخد اي حاجة انت اهبل عبيط قول زي ما تقول

هكذارمضان نحن نقف على بابه ونعرف كلمة السر لفتح الباب

ونعرف انه ملئ بالكنوز ملئ بالذهب

النافلة بفريضة والفريضة بسبعين فريضة فيمن سواه والله يضاعف لمن يشاء

وملئ بالياقوت

من صام رمضان ايماناً واحتساباً غفر له ما تقدم من ذنبه

وملئ بالمرجان

للصائم دعوة لا ترد

وملئ بالفضة

الرحمة والمغفرة والعتق من النار

فماذا انت فاعل هل ستحمل ما تستطيع حمله وتخرج من تلك المغارة- رمضان- بالخير الكثير ام انك ستخرج خالي الوفاض بل ان النبي دعى على من يخرج دون ان يأخذ شئ من رمضان فيقول

خاب وخسر خاب وخسر خاب وخسر قيل من يارسول

الله قال من ادرك رمضان ولم يغفر له

فلا تتضيعوا هذه الفرصة من ايديكم وبالمناسبة كنت احكي لاحد اصدقائي على قصة المغارة وسئلته فقال لي بالحرف<<انت معاك حاجة تاخد فيها >>ففكرت شوية كده وحضرفي ذهني هل بالفعل احضرت الوعاء الذي تاخذ فيه كل هذه الخيرات

وماذا سيكون شكله اسيكون وعاء سليم يحفظ هذه الخيرات ام سيكون وعاء مخروم يقع منه كل ما يستقبله من خيرات ام سيكون اصم لا يقبل شئ ويلفظ الخيرات عفانا الله واياكم فهذا الوعاء هو القلب والقلوب تصدأ كما يصدأ الحديد وجلائها ذكر الله

فأوصي نفسي واياكم ان نعد العدة ونفتح قلوبنا بكل سعادة استعداد لرمضان فكان الصحابة رضوان الله عليهم يعدون له قبله بستة اشهر ويعملون بما استفادوا به لمدة ستة اشهر فادعوا الله ان يبلغنا رمضان وان يتقبل منا ومنكم

ورمضان كريم

حملة انشروا الاسلام

الدال عل الخير كفاعله

(http://z3tr.loaloaa.com/showthread.php?t=16422) كان فى موضوع للأخ جانو

(http://z3tr.loaloaa.com/showthread.php?t=22454) وتبعه موضوع للاخت امنية

في حارة زعتر العزيزة وقام الزعتراويين

بوضع برنامج لاتمام هذا المشوع الذي يهدف الى نشر الخير فالموضوع كالتالي لما تقرا فى المصحف والحرف بعشره حسنات والله يضاعف لمن يشاءومنها تاتى برده زى مانتو عارفين الصدقات الجاريه علشان كده باذن الله ايه رايكوووتاخذوو حسنات وانتو فى البيت من غير ادنى مجهودالموضوع بسيط اوووووووى

الزعتراويين اتفقوا على الاتي:- عمل فريق مهمته تجميع المصاحف الى محدش بيقرا فيها ومش بيستعملها واعاده تجميعها وتجليدها لتوزيعها على الناس المحتاجين ودول بينقسموو لناس كتيرمنهم على سبيل المثال الصومالين وبتوع جزر القمر والسودانين الى بيججو يتعلمو فى الازهر ويتعلموو عندنا فى مصر ويقروو فى القران الكريم فاياخدوو العلم ويسافرو علشان ينشروه وللاسف مش بيعرفو علشان نقص فى المصاحف فعلشان كده قررنا اننا نعمل الفريق ده

وهنكتب دلوقتي الاميل اللي ممكن يتواصل عليه معانا شباب الاسكندرية وشباب القاهرة

ونرجوا من كل اصحاب المدونات الشباب من القاهرة والاسكندرية ان يعلنوا عن هذا المشروع في مدوناتهم وان يتواصلوا معنا على الاميلات الاتية

شباب الاسكندريةmailto:el7amla_alex_b@yahoo.com

بنات الاسكندريةmailto:el7amla_alex_g@yahoo.com

شباب القاهرةmailto:el7amla_cairo_b@yahoo.com

بنات القاهرةmailto:el7amla_cairo_g@yahoo.com

وننتظر مشاركتكم

من قرأ حرفا من كتاب الله فله به حسنه , والحسنة بعشر امثالها , لا اقول (الم ) حرف ولكن : الف حرف , والام حرف , وميم حرف الراوى :عبد الله بن مسعود , خلاصه الدرجه : صحيح , المحدث: الالبانى - الصدر :صحيح الجامع - الصفحه او الرقم 6469

احسن تعليق................؟؟؟؟؟

اكتب تعليق

هذه مجموعة من الصور النادرة على كل من يراها ان يكتب احسن ماعنده من تعليقات

هم معندهمش غير العريان

د عصام العريان

هو اي حاجة تحصل في البلد يخدوا العريان ميريحوا دماغهم

ويدولوا مؤبد حتى يوفروا عليه تعب المرواح والمجي

قامت أجهزة الأمن المصرية بعد عصر اليوم باعتقال16 من كبار قيادات جماعة الإخوان المسلمين من منزل المهندس نبيل مقبل بمحافظة الجيزة منهم الدكتور محمود حسين ـ عضو مكتب الإرشاد في جماعة الإخوان المسلمين ـ والدكتور عصام العريان والدكتور أحمد عمر والسيد نزيلي والمهندس نبيل مقبل، ود. سناء أبو زيد ود. محمد كمال والشيخ حمدي إبراهيم ود. محيي الزايط ود. هشام عيسي والمهندس حسام أبو بكر والمهندس خالد البلتاجي، وآخرون لم تعرف أسمائهم حتي الآن.
وقد اقتحمت أجهزة الأمن منزل المهندس نبيل مقبل بعد عصر اليوم حيث كانت هذه المجموعة في ضيافته، وقاموا باعتقالهم وتفتيش منازلهم في غيابهم، والإستيلاء علي أجهزة الكمبيوتر الموجودة في منازلهم إضافة إلي عشرات الكتب والمتعلقات والأوراق الشخصية، وقد تحويل المعتقلين إلي قسم مدينة نصر تمهيدا لعرضهم علي النيابة.
من جانبه أكد عبد المنعم عبد المقصود ـ محامي الجماعة ـ أنه لم يتبين حتي الآن إن كان هذا الإعتقال قد تم بإذن ووجود النيابة أم لا، مشيرا إلي أنه في حالة وجود النيابة فإنه سيتم عرضهم علي نيابة أمن الدولة العليا اليوم، أما إن كان القبض من خلال مباحث أمن الدولة فقط فسيتم عرضهم علي النيابة غدا، مؤكدا أنه في كل الحالات من المتوقع حبسهم 15 يوما علي ذمة التحقيقات وتوجيه الاتهامات المعروفة وهي

الإنتماء لجماعة الإخوان المسلمين.

وكلام في سركوا ان تعبتلهم من الراجل ده

الراجل ده عاقل ورزين والناس كلها بتحبه وبتحترمه فلازم يخافوا منه امال هي الناس دي هتسيب حد يظهر في الصورة كده وتسيبة

ولكننا في هذا الوقت لا نملك الا ان نرفع اكف الدعاء وندعوا الله ان يفك كرب المكروبين وان يفك اسر المأسورين وان

يخرج اخواننا من هذاالكرب في خير وعلى خير

تاجيين لابد من الرد عليهم

وصلي تاجيين من الاخ جمعاوي روش طحن

صاحب مدونة فكك مني

ولازم نرد عليهم

استعانة على الشقى بالله

التاج الاول

هل تحرص بصدق علي تجديد النيه قبل الدخول علي النت؟؟؟

في الغالب

ما رأيك في جريده الدستور؟؟؟

هناك ثلاث مواضيع لوانك تحدث عنهم استمع الناس اليك بإنصات

ولو ان الجرايد كتبت عنهم ستكون هذه الجراد الاكثر مبيعاً وشهرة

الثلاث مواضيع هم وعلى الترتيب( الكورة - الاخوان المسلمين - الحوادث ) وهذا هو ماتتبعه الدستور

ما رأيك في شويه المدونات دي..(أنا إخوان..إبن أخ..حلم الحريه..مش حاسكت..جهاد المصري)؟؟

مش عارف اقولك ايه والله لا تعليق

هل بعد قراءتك للإجابتين إللي فاتوا ..حسيت إن أنا أيه؟؟ولا تنسي الصدق.؟

محدش فاهم حاجة خالص

هل تثق في جريده الدستور؟؟؟

مش قوي

أنا بحبكو في الله..فهل تحبونني...ولا تنسوا الصدق؟؟

احبك الله الذي احببتنا فيه

هل تعمل في السياسه والعمل العام أكثر من الربانيات والروحانيات؟؟؟

انا لا اجد اي تعارض في العمل بالاثنين في وقت واحد

بحيث لا يطغى احدهم على الاخر

فالروحانيات يمكن ان تتحكم فيها كفرد

وذلك من خلال الاعمال العامة او بمفردك

هل الدستور تحب الإخوان,,ولا بتستغلها؟؟

مش فارقة بتحبهم ولا لا مادام هي بتبيع كتير وخلاص

كده خلصنا من التاج الاول

التاج الثاني

اسم مدونتك؟

مــيخــا

لماذا اخترته ..وماهي نيتك من وراء اختياره؟

يعني كتعبير عن تكبير الدماغ

وبصراحة كده انل جايبه من فيلم الناظر

ونيتي من الختيار دعوة لعدم تكبير الدماغ

عن حقوقنا المسلوبة او السكوت عنها

هل فكرت في إغلاق مدونتك؟ والسبب؟

لا لم افكر مطلقاً....وذلك لاني لم اجد اي متنفس اخر

اعبر في عن راي بحرية

وعلى رأي واحد صحبي(الحاجة اللى ح تيجى فترة و تسيبها يبقى ما تعملهاش أصلا )ز

صورتك في المدونة ورمزيتها ؟؟

صورة المرشدين السبع للاخوان المسلمين

وذلك لاني اري اشعر بانهم ليهم علينا الفضل بعد الله عزوجل

لماذا دخلت عالم التدوين من الاساس؟

قلت لك انني وجدت فيها المتنفس الذي لم اجده في غيرها

واستطيع ان اعبر عن ارآي بحرية ودون سلطان

جمله قيلت لك فى وصف مدونتك؟

ايه الجريمة اللي انت عاملها في الهيدر ده(واحد صحبي حبيبي جداً)ة

التعليقات بالنسبه لك ,اهميتها؟

مقياس النجاح.........اشعر بسعادة غامرة عندما ادخل واجد تعليقات على موضوع ما

احلى بوست كتبته ...ضع اللينك , ثم اذكر لماذا؟

احلى بوست كتبته هو البوست اللي كتبته لما نجحت

لانه فعلا كان من قلبي لانيي كنت خايف جداً من النتيجة السنة دي

فلما نجحت جريت وكتتيت البوست ده من كل قلبي

وعل فكرة هو اللي بعد بعد ده

حد قل أدبه فى التعليق إيه رد فعلك؟

هشيل التعليق

أسوأ مدونة؟

لا تعليق

هيحصل ايه لإيميلك لما تموت ؟؟

هبقى اكتبه في الوصية

اديت الباسورد لحد قبل كده ؟

لالالالالالالالالالا

اسمك؟

مصطفى

المشهور بيه وسط اصحابك؟

ابوناجي او درش

شخصيتك نوعها إيه؟

هبقى اسأل وقولك

السفر بالنسبة لك؟

هوايه ....انا اعشق السفر واتمنى السفر للخارج

وقت فراغك بتعمل فيه إيه؟

ياإما بنتفرج على برامج اكورة او قاعد على النت ياإما بنشوف الاخبار

المود بتاعك؟

اربعين نظام هاهاهاهاها

حسب الظروف

الاكلة المفضلة؟

البسلة والفراخ في الفرن

الصفات اللي أخدتها من بابا؟

العصبية الزايدة

الصفات التي أخدتها من ماما ؟

الطيبة والحنية

اكتر ست حاجات بكرهها؟

قلب المواعيد&رمي الدبش في الكلام& الكذب&الكوسة &الفاصوليا الخضراء &حسني مبارك

اكتر ست حاجات بحبها؟

الكورة & وشغل الجامعة& والاخوان المسلمين&الكمبيوتر &التجارة&المحشي

الشغل بالنسبة لك؟

منه من الله

لانه هيبقى سبوبةجامدة

(وفي السماء رزقكم وما توعدون)

الانترنت بالنسبه لك؟

حاجة حلوة

((هريسة))

امرره لمين ؟

كل اللي هيقراه يكتب تعليق ويخده ويمشي