سؤال ومحتاج اجابة
الموضوع ده كنت ناوي اكتبه بعد الامتحانات مباشرة
ولكن لظروف غزة اجلت الكتابة في الموضوع ده
ولكن لابد لي من عرضه
أنا كان عندي ماده اسمها قضايا اقتصادية معاصرة
وطبعاً كان اول مرة اذاكرها
قبل الامتحان بيومين كالعادة
ولفت انتباهي فصل خطير جداً
وكان عنوان الفصل ((برنامج الاصلاح الهيكلي)) وأهم عناصره
اولاً تحرير الاسعار
في قطاع الزراعة: يتم التخلي عن سياسة التسعير الجبري
للاسعار المنتجات والمدخلات الزراعية
في قطاع الصناعة: يتم تخفيض الدعم الممنوحه حتى يتم
تخفيض العبء على الميزانية ويكون
هناك منافسة بين القطاعين العام والخاص
في قطاع الخدمات: يتم رفع اسعار الخدمات الاساسية
كالمواصلات والكهرباء تدريجياً بما يتناسب مع تكلفتها
ثانياً سياسة الخصخصة
وهناك مفاهيم قدمت للخصخصة مثل
هي انتقال ملكية القطاع العام الى وحدات تقوم
بادارتها على اسس ادارة الوحدات الخاصة
هي رفع كفاءة ادارة المشروعات العامة
هي توسيع قاعدة الملكية الخاصة ومنح دور اكبر للقطاع الخاص
هي اتاحة الفرصة للافراد والمنشأتلتحل محل الحكومة
في تملك استثمارتها في القطاع العام
وعلى ذلك تقوم سياسة الخصخصة على
ان يحل القطاع الخاص محل القطاع العام
في تملك وادارة المشروعات وذلك لتخفيض عبء ميزانية الدولة
من الدعم الممنوح للقطاع العام وتخفيض عبء المديونية
اضافة الى زيادة حصيلة الايرادات من بيع هذه الشركات
ثالثاً السياسات التجارية الداخلية وتحرير سياسات التجارة الخارجية
ولقد جاء هذا الاتفاق متزامن مع انضمام مصر لمنظمة التجارة العالمية حيث
ارتكزت التجارة الداخلية
على ضبط مواصفات السلع المحلية ودعم الغرف التجارية
وضبط الاسواق
ارتكزت التجارة الخارجية
على التخلص من القيود الجمركية على الصادرات والواردات
ودعم الصادرات وزيادتها من المنتجات عالية الجودة
رابعاً زيادة دور القطاع الخاص
وذلك عن طريق الغاء القيودعن النشاط الاقتصادي والاستثمار
وانهاء الحتكارات الحكومية وتشجيع الاستثمار سواء كان محلي او اجنبي
وبالتالي فان برنامج الاصلاح الهيكلي يهدف الى خلق اقتصاد
غير مركزي يعتمد على اليات السوق ويمارس فيه القطاع الخاص
نشاط فعال في ظل الحرية والمنافسة وتقليص دور القطاع العام
ونتائج هذا البرنامج
تدهور معدل النمو في متوسط نصيب الفرد من الدخل الحقيقي
ارتفاع معدل نمو البطالة في الحضر والريف
انخفاض متوسط نصيب الفرد من الدعم الغذائي
انخفاض متوسط دخل الفرد من الانفاق الحكومي على الصحة
وفي النهاية اقول السؤال الذي لابد له من اجابة
هذا البرنامج في صالح من
المواطن ام من
68 comments:
؟؟؟؟؟؟؟؟؟؟؟؟؟؟
والله انا احترت خلاص
أنا نفسي يكون فيه حد بيفهم في الاقتصاد الاسلامي
عايز اكلم معاه في الموضوع ده
يا حبيبى لحساب البطون الجعانة و العيون الفارغة
حسبى الله ونعم الوكيل
السلام عليكم
السلام عليكم
والله انا زهقت والشعب كله فاض به
لكن هنقول ايه حسبي الله ونعم الوكيل
انسان
والله ان كنت انت محتار قيراط فانا والشعب المصري كله محتار 24 قيراط
وعلى شان كده انا بسأل السؤال
في ميصلحة مين البرنامج ده المصريين
ولا الحكومات
وربنا يعترنا في حد بيفهم الاقتصاد الاسلامي يفهمني وياك
مؤمن ايه اخبارك ياريس
فعلاً حسبنا الله ونعم الوكيل
وربنا يجازي اللي كان السبب
افاق الحرية
مرحباً بك في اول زيارة لي
وربنا يجازيك خيراً
وما فائدة الزهق او ان يفيض بك الكيل
وانت قاعد في بيتك
لا تطالب بحقق وخائف
وعلى رأي المثل
قال يا فرعون ايه فرعنك قال
ما لقيتش حد يلمني
ولا ايه
أبو الأناتيخ
إيه يا ولد أنا علمتكم الصراحة مش الوقاحة
قف مكانك و ماتنطقش
إنتوا دايما ك\ده يا شعب يا مصرى
شعب غدار
الواحد يحاول يعدل فيكوا و إنتوا أبدا
طبعا فى صالح الحكومات بل أقول المقربين من دائرة صناعة القرار
و اللى مش عاجبه يشرب من البحر
البرنامج ده في صالح صندوق النكد الدولي
لأن هذه الإملاءات هي مطلوبة له ويتم تنفيذهاجميعها كما نرى وكما لا نرى
صحبي الانتيخ
ايه ياعمنا انت عايش دور السادات
ولا ايه
وبعدين مين اللي قالك انوا في صالح
المقربيين لدائرةالقرار
لا يابابا فوق
ده لدائرةالقرار نفسها
وخد بالك من نفسك
عصفور المدينة
بارك الله فيك
فغلاً هذا مخطط ومطالب تنفيذه
للتنكيد على الشعب المصرى والقضاء على طبقة محدودي الدخل
فى مصلحة مين
اكيد فى مصلحة اى حد ما عدا المواطن المصرى البسيط
والشعب باكمله
مش فاضين للشعب ومش فاضين يفكرلوهم
المشكلة مش مشكلة ان دى مقدرات البلد
وامكانيتها
المشكلة انهم مش بيحالوا يفكروا فى صالح الشعب مش فاضينلهم
حسبنا الله ونعم الوكيل
ايوى جاااااااااااااااااااااااى
ايه الجمال ده يا ميخا افندى بصراحى انته فنان وبقيت ما شاء الله بتفهم بتقول كلام جامد اهوا انا هنزلك مشروب على حسابى وبلاش تكتر فى مواضيعك دى احسن القهوى ليها ودان
ايوى جااااااااااااااااااى
امام الجيل
فعلاًالناس دي مش فاضيةلنا ولا فاضية
للشعب المغلوب على امره
هم فاضيينلملئ بطونهم وزيادة ارصدتهم في البنوك وتخريب هذه البلد والقضاء على شعبها
فعلاً حسبنا الله ونعم الوكيل
المعلم سلكاوي بنفسه بينزلنا المشاريب
اخجلتم توااضعنا يافندم
ونتمنى منكم الزيارات الدائمة
ونزل طلب كابتشينوا لكل زوار المدونة
امممممممممممممممممممممم
لو فهمت ابقى فهمنى
حسبى الله ونعم الوكيل
جمعاوى
فعلا عندك حق
لا دى هى مجرد شعارات الحكومه بتحطها وخلاص اما الواقع غيييير كده تمما ما هى تحط بنود وهميهلا اساس لها وتسرق زى ما هى عايزه
انا ولدى الله يرحمه كان اخوانى وكان وكان رئيس للناقبه فى بعض الشركات جه واحد مره من الوزاره علشان يمضيه على حاجه على الورق فقط فى مصلحة العمال لكن من رواها سرقه للعمال لحساب الكبار بابا طبعا رفض بشده الدوره اللى بعدها سقط فى الانتخابات
الراجل ده حرامى محترف اصله هو ده اللى بيحصل فعلا يطلع بنود لا اساس لها من الصحه ويسرق من وراها دى سياسته من زمان
فحسبنا الله ونعم الوكيييييل
ولاء
ايه بس يا عمنا الاسئله الصعبه دى
عموما الحكومه بتاعتنا اللى فاتحين جيبوهم على طول وربنا ينتقم منهم عامله شعارات ملهاش لازمه عارف ليه تجربه مريرة صدمتنى افتكرت انى الناصر صلاح الدين وممكن اصلح الحون الوطنى وقولت اقولهم ردوا علىالشباب واسئلتهم ردود واقعيه وتقنعهم لقيتهم وشهم جاب ميت لون وقالى هنعمل كده بس احنا لينا خطوط حمرا مش بنتعداها يعنى اعرضى علينا الموضوع والرد الاول وبعدين نقول موافقه ولا لا
قولت له شكرا وكان دكتور كبير كده ومحترم
اديته ظهرى ومشيت ومككرتهاش تانى وقولت دول حكومه شعارات بجد ونفسى يعملوا حاجه واحده تغير نظرتنا تجاهم
المشكلة أن الكلام النظري سليم وجميل
لكن عند التطبيق ، نأخذ ما نحب وندع ما نكره ، وهو ما يوجد نظاما شائها مفسدا لا علاقة له من قريب أو بعيد بالكلام النظري .. كل ذلك تحت مسمى الإصلاح
حينما تعمل على خسارة ممتلكات القطاع العام ، لتتمكن من بيعها برخص التراب لأشخاص دفعوا لك لتفعل ذلك ، او ربما لنفسك ، لتنهض بها بعد ذلك وتحقق الأرباح ( وما عز عنا ببعيد ) فهذا لا يندرج تحت الإصلاح ، وإنما هو عين الإفساد .
وحينما ترفع الدعم بحجة تخفيف العبء عن الميزانية بينما أنت تسرق أموال الناس ( وهذا في الواقع هو العبء الوحيد على الميزانية ! ) ، وفي الوقت ذاته تحرمهم من فرص عمل حقيقية ( يعمل بلا أجر تقريبا ، أو لا يعمل إطلاقا ) فأي إصلاح في ذلك ؟
من يقول أن الإصلاح يقتضي التبرع بـ 10 ملايين جنيه للمنتخب ( قال يعني هما محتاجين ) ، بينما هناك مشروعات وأفراد ومؤسسات حفيت وراء بضعة ألوف من الجنيهات دون جدوى .
من يقول أن الإصلاح يعني إغلاق كل مشروع ( قطاع خاص برضه ) يمتلكه شخص ذو فكر إصلاحي حقيقي يهدد أصحاب المصالح ، وتشويه صورهم أمام الناس ، ومصادرة أموالهم ، واعتقالهم .
أي إصلاح في ذلك ؟
إنه إصلاح للـ"كروش" التي لا تشبع بنص حديث النبي : "منهومان لا يشبعان.."
وإرهاق للمواطن حتى ينصرف عن كل شئ إلا الجري وراء لقمة عيشه ، وينسى أن الرزاق هو الله !
مروة الزراع
قال جبتك يا عبد المعين تعيني لاقيتك ياعبد المعين عاوز تتعان
وحسبنا الله ونعم اوكيل
ولاء
فعلاً امال هما فرضين الحصار على النقابات الغنية ليه
مثل نقابة المهندسيين والمعلميين والتطبيقيينواندية اعضاء هيئة تدريس وغيرها من النقابات
كي يستطيعوا القبض ؤعلى ثرواتها لانفسهم والقضاء على اي صوت يخرج عن سربهم المنافق الجبان
ولكن لنا الله
وان الله لايغير ما بقوم حتى يغيروا ما بأنفسهم
ولابد ان نري الله مننا خيراً حتى ينصرنا على هؤلاء اللصوص
آبي
هو فعلاً سؤال صعب حداً
علشان كده انا طلبت مساعدتكم في الرد على السؤال ده
وان كان في حد من هؤلاء اللصوص عنده
الشجاعة يخرج ويقولنا ويجاوب على اسئلتنا هو فين خير مصر
هوفين موارد مصر
هو ارضصدتكم كام في البنوك
ولصالح مين بتخربوا في البلد ولا هي اجندة دولية للقضاء على الامةالاسلامية
وانتوا بتنفذوها
فهمونا
وعجبي
خبيب
اهلاً ومرحباً بك في مدونتي
واحب اقولك ان فعلاً الكلام النظري جميل
ولكن التطبيق يختلف كثيراً
من قال ان شركات في عز مجدها وتحقيقها للارباح مثل شركات الحديد والصلب الدخيلة
شركات الغزل والنسيج بكفر الدوار
شركات الاسمنت من يقول ان هذه الشركات تباع برخص التراب فلصالح من يتم ذلك
وان كنت تشجع ايها اللص الكبير ياسرق طعام الاطفال وفرحة الشعوب القطاع الخاص
فلماذا تقوم بالقبض على الشرفاء من ابناء هذا الوطن والذين يحبون هذا البلد اكثر منك ومن امثالك وتتهمهم بتهم انت الاحق ان تتهم بها انت ومن معك من اللصوص
حسبنا الله ونعم الوكيل في كل من نهب حق هذا الشعب
وسرق قوتهم وارهبهم وسرق الفرحة من عيونهم وبيتهم ودموعهم على خدودهم
ايه يا عم ميخا الكلام الكبير ده
مش فاهم حاجه تقريبا
كان نفسي تفسرهولنا انت اكتر من كده
انا اول ما قريته حسيت انه حاجه حلوه
لكن زي مانت قلت طلعو حاجه مش حلوه
ربنا يكرمك يا عم الميخا
ومتتقلش علينا يا ريس
هو ده السؤال اللي حضرتك قلت في مدونتي انك عايز اجابته
مفيش حاجه الحكومه دي ممكن تعملها في صالح المواطن لو كانوا يفكرون في صالحنا ماكانش ده بقي حالنا
7249700
السلام عليكم
ازيك يابن عمي عامل ايه
بصي ياصاحبي
هو اتجاه من الدولة نحو الاقتصاد الراسمالي اي الاقتصاد المفتوح الذي يعطي اغلب الانتاج فيه الي القطاع الخاص ويعيب هذا النظام انه لايراعي في الغالب الطبقات الدنيا وباختصار شديد انت سمكة في ماء من اسطعت اكله فلتاكله ولايراعي ظروف الفقراء كثيرا وهذا النوع من الاقتصاد هو الذي تتبعه امريكا
ومشكلة حكومتنا ليست في الخصخصة او غيرها فدول صناعية كبري تقوم بهذا ولكن المشكلة في الفساد والتخطيط العشوائي قصير المدي
يعني مثلا عايزين نخصخص عمر افندي يبقي المفروض انه يكون بيخسر عشان نخصخصه هما بقي يخسروه عند عشان يبيعوه بعد كده وياخذوا العمولات من وراء بيعه
اما الفقراء في بلدنا فلهم الله فلم يراعي احد مصالحهم
وهذا النوع من الاقتصاد ايضا يخدم اصحاب رؤوس الاموال
ويقوم بعملية اعدام للطبقة الوسطي
بس امريكا دولة تخطط جيدا هذا امر واقتصادها مبني علي الصناعات الثقيلة مش الفليات والامشطة والكبريت زي عندنا فالدولة بيكون لها دور فعال جيد وبتعرف تمشي اقتصادها صح
والسلام
ايه الكلام ده
..
بجد كبير وصعب
انا حاولت اركز اووى عشان ابقى على نفس الخط
وفهمت بس بصراحة مش كل حاجة ..
بس المهم انى عرفت اجابة سؤالك
حضرتك سألت وقولت البرنامج ده فى خدمة مين المواطن ام ( من )وانا برد على حضرتك واقولك
فى خدمة ( من) اكيد
:)
مدونة جميلة وهادفة وسعدت بمعرفتها :)
السؤال صعب اوي ممكن الاستعانة بصديق
اعتقد والله اعلم انه في صالح كل من يريد ان يفقر البلد واهلها كمان ويجعلهم يظلوا فقراء شحاتين محتاجين على طووووووول
وحسبي الله ونعم الوكيل في الظلمة
اول زيارة للمدونة وباذن الله هتابعك على طول بس بلاش اسئلة صعبة انا ما صدقت خلصت الجامعة علي
دمت بخير
بيتهيألى ان كل اللى عرضته مافيهوش مشكلة لو كانت الحكومة صالحة فعلا وعاملاه بطريقة ماتجيش فيها على الغلابة
لان النظام الاقتصادى اللى حضرتك ذكرته ده مطبق فى دول كبرى وماشى اخر تمام
بس احنا اللى عندنا هليبة وعندنا فساد وبالتالى مايمشيش معانا
تحياتى
شيماء بشرى
دكتور حر شرفتنا والله
وكان نفسي تفهم المرة الجاية بقى ان شاء الله
وهو الموضوع حلو جداً نظرياً لكن تطبيقياً رينا الرؤوف بينا
دكتورة اميرة
شكراً على تلبية الدعوة
وفعلاً لو كانت الحكومات المتعاقبة بتدوور على مصلحة هذا الشعب ما كنش ده بقى حالنا
اليعقوبي باشا عمي وعم عيالي على رأي واحد صحبنا
انا معاك ان دول كتير تطبق هذا النظام لكن هذه الدول تخطط جيداً وتطبق الجانب النظري جيداً وتعمل لمصلحة شعوبها
اما في مصر فكل واحد مبيدورش الا على نفسه وبس وازاي يملى رصيده في البنوك ووعن الخصخصة حدث ولا حرج مين قال ان شركات في عز مجدها تباع وبأرخص الاثمان
حديد الدخيلة وكفر الدوار للغزل وعمر افندي وكتير من الشركات التي بيعت وهي تربح
حسبنا الله ونعم الوكيل
noha
اهلاً وسهلاً بحضرتك
وفعلاً المستفيد الوحيد ليس الشعب المصري ولكن هناك مستفيدين اخرين نسوا انهم سيعرضون على الله يوم القيامة
الم يقرأوا ايه"" وقفوهم انهم مسؤولون""
nonoymm
مرحبً بك في المدونة
هو فعلاً السؤال صعب
بس حكوماتنا تضعنا دائماً اما استفسارات صعبةواحياناً ان لم يكن دائماً لانجد الاجابةنتيجة لتصرفاتهم وقراراتهم الحمقاءالتي تضر دائماً بهذا الشعب
الاستاذه شيماء
فهو النظام ذي ما ذكرت لو طبق جيداً بتخطيط سيكون نظام ناجح والدليل انه مطبق في دول كبرى وناجح
ولكن في ظل العشوائية والسرقة وضعف التفكير والتخطيط
يكون وبال على رؤسنا
حبيب قلبي
ميخا الكبير
مقصر معاك جدا والله
بس ردا علي سؤالك
البرنامج ده في صالح مين؟
هو شكله كده في صالح الوليه ام قرني
علشان ان شاء الله كل واحد هيبقي معاه قفه وجلبيه وهنمشي نعيط في الشارع
----------------
ياميخا
كل حاجه بتلف وتدور وفي صالح البعده
ربنا ينتقم منهم
ودمت بخير ياغالي
الفاتح الجعفري
ولايهمك ياحبيبي
والله انت واحشني انت كمان
وبعدين هي ام قرني دي
ام ولي العهد
هههههههههههههههههههههههه
السلام عليكم
يعني انت لازم تغمني كده عالصبح
ما احنا كلنا عارفين الكلام ده
بس الحكومة بتحاول تساعد المواطن ولكنها لا تسعى لمساعدتها
وشتان بين المحاولة والسعي
فهي لا تبذي اقصى ما عندها
وبعدين ايه ميخا دي
ولا مؤاخذه يعني.. مش لذيذة
بتفكرني بالايشي ايشي فالبنهانيشي
vague
اذاكان هناك احد يريد ان يساعد احد فهويسعى ويبذل كل جهد كي يساعده
فهناك علاقة طردية بين المساعدة والسعي
ولافرق بينهما
واسعدتنا زيارتكم
برافو عليك اثارتك لهذا الموضوع
gannah
جزامكم الله خيراً على الزيارة
وفعلاً هو موضوع يستحق الاثارة
اولا بغض النظر عن ان فيه حاجات مفهمتهاش اوى
لالالا مفهمتهاش خالص
بس يعنى اكيد الاجابه معروفه وواضحه
بس بصراحه احنا خلاص بنكلم فى الوقت الضائع
ربنا ياخد بيدنا يارب
دكتور نور
شرفتينا والله
ان شاء الله الموضوع القادم يبقى اكثر وضوحاً
وربنا ياخد بأيدينا كلنا وياخد اللي في بالنا ويرحمنا منهم بقى
سلام عليكم
انتا متعرفش الا قبل امتحان مادتك بيومين
يبنى احنا فى خطة و للاسف قاعدين ساكتين
يلا
ربنا يستر
adem
وعليكم السلام
جزاكم الله خيراً على اول زيارة لي
انا كنت اعرف قبل الامتحانات
لكن مكنتش متخيل انه بالشكل ده
وربنا يستر
السؤال على بساطته لكنه غاية في التعقيد في نفس الوقت
ما ذكرته أخي الكريم هو برنامج لتجويع الشعوب , و جعل مقدراتها في يد فئة محددة و معلومة الوجهة و الأهداف , هذه الفئة لابد أن تكون الطفيلية أبرز سماتها , و أرجو منك ومن زوار مدونتك الكرام مراجعة أسماء من يتصدرون المشهد المالي بملياراتهم التي نهبوها من مقدرات الشعب اليوم ... من هم؟ وما هو تاريخهم ؟ و من أين وكيف تكونت ثرواتهم الضخمة ؟؟؟ والأخطر والأهم من ذلك كله : كيف يفكرون ؟ ما هي عقيدتهم ؟ لمن ولاؤهم ؟ إذا أجبت على هذه الأسئلة ستعرف لصالح من هذا البرنامج
خالص تحياتي
طبعا مش عايزة كلام
معروف ده لصالح مين
ربنا يرحمنا برحمته
الاستاذ الفاضل وطني
بالظبط هو كده هو فعلاً ده مشروع تجويع الشعب المصري
ونحن جميعاً نعلم من هم الفئة التي تتحدث عنها لانه ليس خفياً علينا
ما يفعلوه من احتكار لرؤس الاموال وللشركات الناجحة التي بيعت لهم بأرخص الاثمان
امثال عز ورفاقه وحسبنا الله ونعم الوكيل
ابن عمر
ربنا يبراك في حضرتك
وجزاكم الله خيراص على الزيارة
وربنا يرحمنا جميعاً
حسبنا الله ونعم الوكيل
الوضع بقى محزن وفوق الاحتمال
والغلاء فاق حده...
والناس زهقت بجد...
كلهم براجماتيين مش شايفين غير نفسهم وبس
ربنا يصلح الحال
ويفرج عن الجميع
جزيت خيرا اخونا على الطرح الهادف،،،
حطم القيود
جزاكم الله خيراً على الزيارة
وفعلاً الموضوع فاق كل الحدود وربنا يسمع منك ويصلح الحال
اللهم امين
نظيف بيه
نظفها خالص
والحاله بقيت زباله
تدوينه ممتازه يا جمعاوى
احييك
فرنسا هانم شرفتينا والله
مفروض يعملوا مسحوق غسيل اسمه نظيف
يجعلها اكثر بياضاً
ههههههههههههههههه
وده بعض ما عندكم يافندم
طبعا لحساب اللي بالي بالك.. وأكيد فاهمني!!. والا محتاج توضيح ؟
شهاب الازهر
والله منورنا
وطبعاً فاهم
هو ده شئ محتاج توضيح
وكل لبيب بالاشارة يفهم ولا ايه
انت بتتكلم في الاقتصاد؟؟
مش قولنا بلاش كلام في السياسه!!
سؤال مميز كالمعتاد منك...
تحياتي
اوشه
نعمل ايه بقى تخصصنا كده نعمل ايه
وبعدين انت ييتكلمي في السياسة
المدونات ليها ودان
ههههههههههه
السلام عليكم
اولا
في حاجه غلط حاصله
انا فاكره اني علقت هنا
وفاكره التعليق
معقول يكون تخيلت التعليق ومعلقتش
؟؟؟؟؟؟؟؟؟؟؟؟؟؟؟؟؟؟؟؟؟؟؟
الله المستعان
بخصوص بالنسبة لمين المستفيد
استفضتوا فيها
بس اللي لفت نظري اكتر في الماده دي
الاتفاقات التجاريه بين الولايات المتحده والدول العربيه
والشروط الغريبه العجيبه اللي لو عيل في ابتدائي شافها هيرفض قطعا الدخول فيها
لانه خسران خسران ولو كسب مكسبه ميعوضش ابدا تكلفته لتحقيق مكسب الطرف الاخر
واكتر حاجه غبيه ومتخلفه
كانت الاشتراطات بدخول اسرائيل كطرف واشتراط تعامل الدول العربيه مع اسرائيل لتنفيذ الاتفاقيات
تطبيع اجباري وغصب عن عين اللي يقول لا
والغريب والعجيب والوحش جدا
دخول الدول العربيه -بعضا منها- في هذه الاتفاقيات زي الادرن
ومصر دخول ضمني
يعني موافقه غير مباشره
بس اظن احنا مش مستنيين
احنا بنتبرع لهم بالغاز
وبنفوت لهم دماء اللي تقتلهم اسرائيل على حدودنا
ونكبر دماغنا في مواضيع الاسرى
الدنيا في الطراوه يعني
انا عارفه ان التعليق مكنش في مستوى التدبيسه الجامده بتاعة خبراتي الاقتصاديه والكلام الكبير اللي يحرج ده
بس ده اللي لفت نظري فعلا اكتر
دعوة الفردوس
بداية انتي معلقتيش على الموضوع ده هنا
قبل كده
======================
ثانياً
انتي عارفةلما انا ابقى ماسك على واحد زلة
وان ما وفقش على اي حاجة انا اقوله
عليها اهدده اني انا هفضحه
فيقوم غصب عنه يقبل
هو كده بالظبط وضع الحكومات العربية
كلها عاريةامام النظام الامريكي
وكل حاكم من هؤلاء الحكام له ملف كامل
وحجات تانية كتير احنا منعرفهاش
يخاف اي واحد فيهم انها تنكشف لشعبه في حياته
فمضطريين ياعيني انهم يقبلوا اي
اتفاقيات وحتى ولو كانت تتعارض مع
المصلحة العامة مادامت تفيد المصلحة
لخاصة
ودمتم
الآن وحصريا علي يلا نفضحهم أخطر قضية تعذيب وانتهاك لحقوق الإنسان في مصر الحاج عبد الله يروي قصته http://www.yallanefdahom2.blogspot.com/
اصحاب مدونة يلا نفضحهم
لم يافندم وجاري الانتقال الى يلا نفضحهم
وجعل الله هذا الجهد في ميزان
حسناتكم
هو من امتى الحكومه بتعمل حاجه مفيده للمواطن يعنى؟
هتيجى على دى يعنى؟
حسبنا الله ونعم الوكيل
اه قريت الموضوع ده
بس مكنش متطبق عندنا
كان كتطبيق في امريكا والدول المتقدمه
بس الغريب بقي
ان الدول العربيه دايما كل حاجه فيها غلط
طبعا مش لصالح الشعب
ومعروف لصالح مين
مصر بقت
الغني .........زايد في الغني بطريقه غريبه
الفقير.................زايد في الفقر بطريقه مريبه
لنا الله
نوسة
اهلاً وسهلاً
وهو من امتى الحكومة كانت
بتهتم بالمواطن المصري
فعلاً عندك حق
لنا الله
عاشقة الفردوس
هو الموضوع لو طبق في اي بلد محترم
يبقى الموضوع اكيد هيطبق بما يتماشى
مع صالح المواطن وليس في صالح الحكومة
ولكن هناك نجاحات تمت على يد حكوماتنا
الرشيدة وهي القضاء على طبقة محدودي
الدخل وتحويلهم الى طبقة جديدة خالص
وهي طبقة معدومي الدخل
وربنا معاهم
اسفه يا جمعاوى على التاخير .....
طبعا كلنا عارفين ايه الاجابه بس للاسف بنقولها فى سرنا ....
اما بالنسبه للقطاع الخاص فهو صراحه لا يوجد فيه اى فائده للمواطن بل ان الحكومه هى المستفيده بالقدرالاكبر فلولاحظنا شركات الكهرباء والمياه التى تخصخصت تفرض على المواطن فاتوره عاليه جدااا ليست فى مقابل ما استخدمه فهناك مغالاهواضحه فى الفواتير والكل يعلم دلك يعنى ها تدفه هاتدفع...
بجد حسبنا والله ونعم الوكيل ..........
رموز الحياه
مفيش مشكلة في التأخير
يكفيني الزيارة
جزاكم الله خيراً على المرور
تصدق من زمان وانا كمان شاكه في التعليم والكتب اللي بيملوا بيها دماغنا
والحمد لله ثبتت فكرتي اول لما اتخرجت من الكلية
الله يكون في عون جيل المستقبل
اصل احنا جيلنا خلاص عليه العوض مخه ضرب كدا زي الويندوز .. لما تقرا حاجة في الكتب وتطلع عنيك في دراستها ولما تقتنع بيها وتخرج للحياه تلاقي حاجات تااااااااااااااااانية على ارض الواقع
وجاي يا مسكين تسأل لصالح مين الاصلاحات ؟؟
طيب
ربنا ستار بئه على عبيده يا ميخا وخلينا احنا الاحسن
تقبل مروري واحترامي
قبلة الحياه
هو ده الكلام السليم
ايه العقل ده كله
ياريت بقى نغير السيستم ونزل ويندوز جديد
Post a Comment