![](http://1.bp.blogspot.com/_tnO8tzU8gSM/R-EZaODpikI/AAAAAAAAAeM/Ob4YgObjRaQ/s400/fasad.jpg)
احنا بنسودش الدنيا في وش الناس
احنا مش بنقول اننا وصلنا للنهاية
احنا مش بنقول ان مفيش امل
لا في امل وما ضاقت الا لما فرجت
لكن لازم نعرف اللي بيحصل في البلد
ونعرض صور من الفساد اللي احنا وصلناله
إقتصادياً
* ديون داخلية 546 مليار جنيه
* ديون خارجية 28.7مليار دولار
* عجز الموازنة العامة 80 مليار
*وقد صرح عزيز صدقي رحمة الله عليه بأن اجمالي الاموال المهربة من مصر للخارج 300مليار جنيه
*بلغت البطالة سنوياً 800الف عاطل بمعدل 2200عاطل كل يوم
*ارتفاع اسعار السلع الاساسية خلال فترة وجيزة نسبة 100% فسعر كيلو السك المحلي وصل من 140 قرش الى 2.25جنيه في المجمعات الاستهلاكية و4جنيه في الاسواق الخارجية وكيلو العدس 10 جنيه والارز3.5 جنيه هذا وكثير من السلع الاساسية الاخرى
![](http://3.bp.blogspot.com/_tnO8tzU8gSM/R-EafuDpinI/AAAAAAAAAek/UXflmFc82fY/s400/fasad.jpg)
إجتماعياً
ارتفاع نسبة العنوسة في مصر من كلا الجانين رجال ونساء
ارتفاع حالات الطلاق في الاسر المصرية بنسبة 50%
وجود اكثر من 200 الف طفل شارع بالاضافة الى 2 مليون طفل يعملون في سن غير قانونية
تدنت نسبة الانتماء لدى الشباب المصري الى مستوي ما بين 5% الى 8%
![](http://3.bp.blogspot.com/_tnO8tzU8gSM/R-EZ3uDpimI/AAAAAAAAAec/rsHgxfOyntk/s400/10934_95_1.jpg)
تعليمياً
حصلت مصر على صفر في افضل 500 جامعة في العالم
نسبة التسرب من التعليم في مصر وصلت 18%
تكلفة الدروس الخصوصية 17 مليار جنيه
صحياً
150الف حالة جديدة سنوياً مصابة بالسرطان
ارتفاع حالات الاصابة بامراض الكبد اكثر من 7 ملايين مواطن
اكثر من 4 مليون مصري مصاب بالاكتئاب
6.8 مليون من سكان مصر لم تصل اليهم مياه الشرب
وجود كميات كبيرة من المبيدات المسرطنة قد دخلت مصر خلال سنوات قليلة
كل هذا بالاضافة الى الكثير من الفساد في مجال الزراعة والحريات العامة فقد اكتظت السجون باكثر من 200 الف معتقل لانه يطالب بحرية هذا الوطن وحق هذا الشعب وفساد في الاستثمار واحتكار للمواد الاساسية للمعيشة مثل الحديد والاسمنت ومواد البناء وارتفاع اسعارها بشكل خطير وفساد في السياسة الخارجية ونهب لاموال التأمينات والمعاشات فقد استولت الحكومة على اكثر من 170 مليار جنيه من اموال التامينات والمعاشات .
لذلك قرر الاخوان خوض المحليات لان هذه المجالس المحلية اصبحت بؤرة الفساد فكان لهم ان يخوضوا هذه الانتخابت للمطالبة بحقوق هذا الشعب .
![](http://2.bp.blogspot.com/_tnO8tzU8gSM/R-EZqeDpilI/AAAAAAAAAeU/0lfpSbnytYY/s400/nofassad.jpg)
معاً ضد الفساد محليات 2008 الاخوان المسلمين
والله ولي التوفيق
57 comments:
السلام عليكم ورحمة الله وبركاته
المدون الفاضل ...
حسبنا الله ونعم الوكيل
يجب علي الشعب أن يثور ويوقف ذاك الطغيان والظلم ..
ألا ان نصر الله قريب
غدا تشرق شمس الحرية والعدل والاسلام
جزاكم الله خيرا
هو صفر التعليم
مع صفر المونديال
فاضل صفر ونكسب 75 قرش
ارحمنا يا رب
مش عارفة اقول ايه بس
هو الشعب ليه ساكت كدة
انا عاوزة اعتصم بس انا ربة بيت ينفع اعتصم
كنت فى درس لاحد الشيوخ وقال بالحرف
والله يا اخوه فى اخوه لو وصلت للحكم هتكون اشد على اخوانها من الظلمه نفسهم
من مصادره لاراء الاخرين واقتناعهم انهم يملكوا الحق وغيرهم لا
معلش اصلى افتكرت انى دخلت منتدى والمشرفين الى فيه معظمهم اخوان وحصلت مناقشه حوالين موضوع فقهى وعقائدى وتم مصادره الموضوع ا
الموضوع كان عن تهنئه غير المسلمين باعيادهم الدنينه
انا كنت متابع الموضوع مكنتش مشارك ولا مسجل اصلا فى الموقع
وما زالت سفينة الفساد سائرة
حتى ياتى الوقت الذى
تغرق فيه
ولكن نسال الله ان تغرق لبهم
لا بنا جميعا
جرحة نكد تمام
بس الله ينور عالتجميع
عاوزيم مصادر عشان نعملها مرجع للكلام بقى
انا طبعا مصدق
بس عشان النقل
ربنا يكرمك يا عم ميخا
وقابل جمعاوي هيقولك على خبر
:)
بعد ده كللللللله
وبتقول مبنسودش الدنيا ف عين حد
هى مش بقت سودا بس
ده بقت سودا مقلمه باسود
يااااااارب فكها م عندك ياكريم
سمية بنت البنا
وعليكم السلام ورحمة الله وبركاته
اختى الفاضلة ليس الحل بالثورة
وليس الحل بالدم
وانما الحل هو الرجوع الى الله عزوجل والوقوف في وجه الظالم
والثقة في النصر من عند الله
وان يطالب كل منا بحقه ولايسكت عليه
والا اصحبنا شياطين خرص
ولكن ثورة بدون روجوع لله فستكون كغيرها من الثروات التي مرت علينا ولم تكن نتجائها الا العن من سابقها
وغداً يشرق فجراً جديداً
ايه يا أبو درش
انا شفت تقرير الفساد ده فين قبل كده ؟؟؟؟؟؟؟؟؟؟؟؟؟؟؟؟؟؟؟؟!!!!!
خالتي فرنسا
هم يحزن وهم يبكي صحيح
وبعدين احنا جبنا اكثر من اربع خمس اصفار ممكن اخد جنيه ونص
nonoymm
اختي الفاضلة
ان الاعتصام والوقوف في وجه الظلم اصبح واجب علينا في ظل الظلم والاستبداد
اما عن الاعتصام فمن يتوكل على الله فهو حسبه
لو كل منا استعان بالله وخرج واقفاً في وجه الظلم فالله هو الجبار الذي يجبر الكسور
وبعدين اذا كان ولابد للاجل وان ينتهي فحبذا لوكانت شهادة
بطوط حبوب
انا اختلف معاك تمام الاختلاف
واقول لك وبكل وضوح ان هناك اناس سلبيين دعائهم الله اهلك الظالمين بالظالمين واخرجنا من بينهم سالمين فهذه منتهى السلبية
تماماً مثلما تقول ان هناك اخواناً لنا اذا مسكوا الحكوم كانوا اشد ظلماً ومن قال ذلك وهل نادي اخوانك دول بالحكم المطلق
لو حضرتك قرأت برنامجمهم بالظبط تلاقي انهم هناك فترات للرائاسة اكثرها فترتين لا يجوز ترشيح نفسك بعديها
فهاتوا وجربه لو كان وحش نجيب غيره
لكن ان احنى نرضى بهذا الذل والمهانة التي يتعرض لها الشعب فكيف لنا ان نغير اذا
فعلاً طول ما في ناس بتفكر بالتفكير ده
هنفضل طول عمرنا راضيين بالذل ونعيش في الخوف والذل
وبعدين اخوانك اللي بيقولوا الكلام ده قالوا ان مجلس الشعب حرام عشان بيشرع والتشريع ده من عند ربنا
طيب المجالس المحلية مفهاش تشريع دي مجالس خدمية من الدرجة الاولى
مهمتها الاولى خدمة الناس فلماذا لا يشركون بها ولا هي حجج فارغة وخلاص
معلش اتكت عليك شوية
بس من من زهقي كل اللي بيحصل ده ولسه بنفكر ان لوجه حد تاني هيكون اشد ظلماً طب واحنا شفنا غيره علشان نحكم
مايجي اي حد محترم ومن غير الاخوان ويحكم البلد واحنا وراه ياعم بس يكون هناك فترة محدده
امام الجيل
رد علي وقلي
الم تغرق السفينة بعد؟؟؟؟
ربنا يستر علينا من الغرق
دكتور حر
المصادر
تقرير التنمية البشرية الصادرة عن البرنامج الانمائي للامم المتحده
دراسة لكلية الطب بجامعة القاهرة
اعترافات وزير الزراعة احمد الليثي
بعض خبراء الاقتصاد على رأسهم عبد الحميد الغزالي
وقبلت جمعاوي واقبلك ان شاء الله قريب
د/ اجدع بنوته
وله لسه في امل
ان بعد الليل والظلمة نهار وفجر
والزمن الطيب جاي
وربنا يستر علينا ان شاء الله
صحبي وابو الاناتيخ
سمسم باشا
تعيش وتشوف ياريس
الحاجات دي معلنة حضرتك لو بحثت عليها هتلاقي
وبعدين في حد شايفنه
ميخا انا كنت هرد بس اتناقشت مع دكتور حر وبصراحه مبقاش عندى كلام تانى اقوله لانى متوقع جدا انك هتقول نفس الكلام
بس يمكن الفرق بين نظرتكم ونظرتى ان شايف ان منهج الاخوان منهج ارضى مش سماوى - حتى لو ادعو كده - عشان كده بيحصل الى بيحصل
اسف انى ضايفتك ولو مسحت رايي صدقنى مش هزعل
وعلى فكره انا مكنتش بتكلم عن حرام وحلال
انا بس من كتر ما شفت مدونات الاخوان الى بتتكلم عن حكايه الممحليات - والى انا شايفها بحث عن السلطه - لانى شايف انه منهج ارضى
افتركت الحوار الى كنت بقولك عليه وقلت ليك انت لانى اظن انك مسجل فى حاره زعتر والحوار كان هناك
الأرقام يا ميخا عرضة للتغيير بين لحظة وأخرى سبحان الله هذه الأسعار المكتوبة ربما تصير بعد ساعة من كتابتها أرقاما أخرى
فاللهم اغفر لنا وارحمنا
حبيب قلبى الغالى
الله ينور ايه التقارير الجامده دى
بس ربنا يكرمك
ان بعد الليل لفجر قريب
ان شاء الله
الفجر قادم والاصلاح قادم
معاً نصلح الدنيا بالدين
معاً ضد
الفساد
الغلاء
الظلم والاستبداد
الرشوة
المحسوبية
التزوير والسرقة
الاخوان المسلمين
محليات 2008
ما شاء الله
ما شاء الله
كويس ان البلد لسه عايشه
بس و الله اعلم اعتقد ان 75مليون مصرى مصاب بالاكتئاب مش 4 مليون بس
و 5 مليون الباقيين برضه حنلاقيهم فى بدايته
حسبنا الله و نعم الوكيل
ربنا يرحمنا إن شاء الله
عمار يا مصر
صدقنى بدون تعليق
مصر عايزه تتحرر من الفساد اللى هى فيه
إيه ده؟
إيه القرف اللي احنا عايشين فيه ده؟
حرام بجد
حرام علينا اللي بيحصل فينا و احنا ساكتين
و يوم ما ييجي حد يتكلم و يقول لأ بقى كفاية
نقول ده أكيد في دماغه حاجة وحشة
و لو وصل للسلطة هيبقى ابن كلب زي الباقيبن
خلاص الخوف و الجبن عموا عيوننا
حسبنا الله و نعم الوكيل فينا
اعذرني على انفعالي
سيبك انت الكاريكاتير بتاع الفلوس اللي بتسرق ده عسول اوي
:))))))))))))))
معلش اصلي تعبت من اللي انا فيه فقولت اخرج نفسي واخرجك من المود ده
حسبنا الله ونعم الوكيل
أخى الكريم
من حق أى مواطن مسلم أن يشارك فى تصحيح أوضاع بلده ومحاربة الفساد واصلاح الأرض أمر سماوى وعدم المشاركة فيه عند الاستطاعة تخلى عن هذه المهمة الربانية فغير صحيح كما قال الأخ بطوط أنها أمر أرضى ولا أدرى لماذا يصر الاخوان على انهم لا يسعون للحكم وكأنهم ينفون تهمة عنهم وما العيب فى ذلك ؟؟لكن العيب كل العيب أن نتقاتل كمسلمين فيما بيننا للتنافس على هذا فأى طرق سلمية مشروعة المفروض ان تكون السبيل الوحيد ,وأنا فقط أتحفظ على تصنيف المسلمين الى أحزاب وجماعات فالمفروض أننا كلنا نسعى للاصلاح تحت مسمى واحد وهو اننا كلنا مسلمين ..وفقكم الله فى اصلاح ما أفسده المفسدون
حسبنا الله ونعم الوكيل
طيب واخرتها
اللهم اصلح ولاة امورنا
ومن علينا بحاكم كاسماعيل هنيه
--------
خبر سار
تم قبول اوراق تقديم الاخوان فى انتخابات المحليات
ازاى؟؟
عندما لم يستطيعوا التقديم
قدموا فى المحكمه
وكسبوا القضيه
والله اكبر ولله الحمد
بطوط حبوب
بداية الاختلاف في الرأي لا يفسد للود قضية
وانا مش من النوع اللي يحب يمسح تعليقات حد الا اذا كانت خارجة عن الادب والاحترام
اما عن الحكم هو مش نجاسة علشان حد يستخبى منه
لكنه بالنسبة للاخوان وسيلة للاصلاح وليس هدف
ومنهج الاخوان هو القران والسنة
ولابديل عنهم
وجزاكم الله خيراً على الحوار الهادئ
عصفور المدينة صدقت والله
فعلاً ممكن تكون الارقام دي زادت الضعف او الضعفين ربنا يستر علينا
النجم القادم
دي اقل حاجة عندنا يابني امل انت مفكر ايه
ام حبيبة
بارك الله في حضرتك
وكويس قوي ان احنا لسه عايشيين
وفعلاً كل الشعب المصري مصاب بالاكتئاب ولكن بنسب متفاوته
ربنا يستر على الشعب من الهبل مهي دي المرحلة القادمة
ولاء
اوجزتي فانجزتي
لابد من التحرير
نيجرو
اتفق معاك
تمام الاتفاق
هو احنا شفنا غيره علشان نحكم اذا كان هيبقي زيه ولا لا احنا عايزين نشوف غيره الاول وبعد كده نحكم
عاشقة الفردوس
اهلاً ومرحباً
وكويس ان انتي كسرتي جو النكد والحزن ده
مجداوية
بداية مجاربة الفساد وامطالبة بالحرية
فرض على كل مسلم ومسيحي وليس مسلم فقط
فقد نادت كل الاديان بمواجهة الظلم ومحاربته
اما عن الحكم والاخوان
فهم لا ينكرون انهم يريدون الحكم ولكنه ليس الهدف الرئيسي هو مجرد وسيلة للاصلاح
جاءت هذه الوسيلة خير وبركة مجتش فالاخوان سائرون على طريق الاصلاح
رغم كل القيود
صانعة الحرية
اللهم استجب منك اللهم ارزقنا بمثل اسماعيل هنية
اما عن الاحكام فيعالم تتنفذ ولا لا
ربنا يستر
ما اصعب ان نرى الجرح
لكن صدقنى الاصعب ان نفقد الامل فى الشفاء
مش عارفة ليه إضايقت ؟؟
مع إنى المفروض إنى عارفة إن فى فساد وفساد جامد كمان
لكن لما تشوف الأرقام قدامك يمكن بيعمل صدمة وحسيت زى ما أكون أول مرة أعرف إن في فساد
وللأسف بقى فى كل المجالات
على أمل أن يفيق هذا الشعب المنكوب
مش بنقول انها سودة بس يكفي اننا عارفين المشاكل
الخطوة اللي بعدها بقي نحاول نحلها
والا يبقي بنكلم في الهوا ويدخل من هنايطلع من هنا
ليك تاج عندي
ادخل خدة
سلام
دينا
نعم لابد ان يكون هناك دائماً امل في الشفاء
والثقة في النصر من عند الله
وجزاكم الله خيراً على المرور
فزلوكة
يسمع منك ربنا
ان الشعب يوماً اراد الحياه
فيجب ان يستجيب القدر
لابد لهذا الشعب ان يستفيق
وان كانت كل هذه الارقام تدعوا للحسرة والاكتئاب
فيجب ان ينبسق منها نور الامل فكلما زاد اي نظام في الفساد والظلم
اقتربت نهايته
فحينما تشتد ظلمة الفجر يأتي الضياء
my hope$
نعم انها مرحلة جيدة انت تعرف تشخيص المرض
وبعد ذلك ان تبدأ في العلاج
ولكن اذا كان المريض لا يساعدك في علاجه
فماذا يكون الحل
معلش يادكاترة
انا عايز اعيط
ياعم بلاش كئابة بقة
بعدين انتخابات ايه يا معلم
ده مافيش ولا اخواني قاعد في بيته دلوقتي
كلهم في السجون
وسلملي على الديموقراطية
ملحوظة: اسم ميخا ده مش مريحني
وحش قوي
لااااااااااا انت ولا بتسودها ولا بتقفلها فى وشنا ربنا يجزيك خير هو واضح انى الوحيده فى البلد دى اللى عندى امل ان يتصلح حالها
والله انا زهقت انى بنادى فى مكان والناس فى مكان هتجيبوا ليه اكتئاب حرام عليكوا
انتا أكيد أكيد فى مصر
شكرااا ليك يا حاااج جمعاوى أصييييل
إخوانى حتى النخاع
http://ikhwangeeee.blogspot.com
ولسه
حسبى الله ونعم الوكيل
السلام عليكم
بالنسبة للفساد
فحدث ولا حرج
انا تعبت من المواضيع دي جدا والاسعار بقت بتعلي ضغطي
امي بتقولي
انا حزينه وتعبانه من الغلى ده
احنا لحد دلوقت قادرين بفضل الله نشتري كل شيء بس فيه ناس مش لاقيه رغيف عيش ولا طفل لاقي نقطة حليب هيعملوا ايه
ومحدش عارف احنا كمان شويه هيبقى حالنا ازاي
فعلا ياعالم هنوصل لايه
اخي اعتذر بشده عن التقصير
اعذرني
vague
ياعم عيط العياط سعات بيهون على الواحد
اما عن اسم المدونة اظن دي حرية شخصية
ولكن يسعدني اهتمامك
appy
لا مش لوحدك اللي عندك امل
ولو حضرتك قرأتي الموضوع كويس
هتلاقي ان الموضوع عبارة عن دافع
للامل
على رأي المثل اللي بيقول
ما ضاقت الا لما فرجت
وان بعد الليل لابد من بزوغ الفجر
اخواني حتى النخاع
واصغر مدوني الاخوان
فعلاً يبقى انت اكيد اكيد في مصر
ضد الظلم
يسعدنا تشريفكم
وليس لنا الا الله
وحسبنا الله ونعم الوكيل
دعوة الفردوس
عوداً حميداً
اما عن الحاجة فطمنيها ان الناس اللي
مش لاقيين ياكلوا ومش لاقين نقطة اللبن
للاطفال ليهم رب اسمه الكريم
وربنا يكون في عونهم
اما عن التقصير فربنا يقوي الهمه ولا تقصير ولا حاجة
وعليه
أعتقد أن الحل الوحيد هوة الثورة الشعبيه وبما أنها مستحيله فى مصر فلا أقل من عصيان مدنى أما إذا استحال العصيان المدنى أيضا فأعتقد أن الحل إعلان موت وطن اسمه مصر
هوه صحيح انا مش مقتنع ان الاخوان ممكن يعملوا حاجه
بس معاكم ان شاء الله
ومعا
ضد فساد المحليات
حسبنا الله ونعم والوكيل
حسبنا الله ونعم والوكيل
حسبنا الله ونعم والوكيل
اخي الفاضل ابو نزار
بداية جزاكم الله خيراً على الزيارة
ثانياً
ان الشعب المصري غير مؤهل تماماً
لخوض مثل هذه الثورات او العصيان المدني
ولكنيي اتوقع من وجهة نظري المتواضعة
ان ما سيتم خلال فترة قليلة قادمة
هي ثورة الجياع وسوف تأكل هذه الثورة كل مايقف في طريقها
ولم يمت وطن اسمه مصر ولكن مات الضمير
انسان
يكفي الاخوان فضح النظام امام العالم وامام الشعب بل وامام نفسه
ويشرفنا مساندتكم
الصارم
قبلنا الدعوة
اسامه جابر
يسعدنا تشريفكم
Post a Comment