ذكريات رائعة

أيام الجامعة

هي فين ايام الجامعة كان الواحدما مبيلقيش وقت فاضي خالص

من مشوار هنا علشان نخلص الشغل الفلاني ومشوار هناك علشان نخلص موضوع تاني

وعندنا الساعة كذا هنقعد مع الناس في الكلية والساعة كذا

رايحين نقعد مع اخ كبير واليوم التالي عندي كلمة في المدرج لازم أقعد احضرلها

وبعد الكلمة في قوافل هنتكلم مع الناس ولما نروح عندي مشوار

علشان تجهيز المؤتمر السنوي وكل يوم نقابل الاخوة والاصحاب

وان الواحد غاب يوم مجاش تلاقي الناس كلها بتتصل علشان تطمئن عليك

وياه بقى على الدائرة اللي في حرم الكلية وتلاقي اخوة المجمع كلهم ييجوا

يقفوا معاك وهزار وضحك وجو تاني خالص وياه بقى على لمة المطعم

والكل بيخطف من كله وتلاقي واحد يخش تلت اربع مرات غلاسة

على فكرة الكلام مش لسيكا ولا لارنب علشان محدش يقهم غلط دول

اخوة معانا في المجمع

ويبقى الموضوع اروع لو معزومين عند احد الاخوة

في البيت تلاقي بقى مواقف وطرائف كثيرة .

ولكن منذ شهرين تقريباً ودعت هذه الحياة واشعرهذه الايام

فعلاً بالفارق فانا حزين لفارق هذه الصحبة وهذه الاعمال

ولا ولن انسى هذه الجامعة جامعة النور

التي تجمع بها شمل الشباب وفيها المحبة وفيها النقاء

وادعوا كل المقبلين على الجامعة ان لا يتركوا انفسهم لأهوائهم

وان يبحثوا عن الصحبة الطيبة التي تعينهم على التمتع بهذه الفترة

مع طاعة الله وادعوا كل المتواجدين في الجامعة

ان يساعدوا انفسهم على التمتع بهذه الايام وثبتكم الله

والله ولي التوفيق