تاجين ............ورمضان كريم

بداية ان اصعب ما يتعرض له المدون

هي التدبيسة في تاج وخاصة اذا كان

تاج صعب ويحتاج الى تفكير كثيراً

وعصف ذهني وحاجات من اللي

انتوا عارفينها دي

التاج الاول

مبعوتلي من اتنين

من بنت اختي همسه

ومن ام دودو صاحبة مدونة حاجات جوايا

وانا بعتبر اسمه

كن صادقاً مع نفسك

اذكر عشر اشياء صادقة في حياتك؟

الاول :: دعوتي هي الشئ الذي احمد الله عليه ليلاً نهاراً

فلولا فضل الله علي بنعمة الاخوان

لكنت تائه في هذ الدنيا لا ادري ماذا اريد ولا ماذا افعل

وماذا سيكون الحال بدونهم فانا بدونهم لا اساوي شئ

وادعوا الله ان يثبتني على هذا الطريق مادمت حيا

الثاني:: حبي الشديد لاسرتي واللي

مقدرش استغنى عن حد فيهم وان

كنا نختلف بعض الاحيان ولكن بالبعد عنهم ولو لايام

قليلة تشعر باللهفة والحنين اليهم ولا تستطيع ان تفارقهم

الثالث::اختي التي تكبرني بعامين هي من اصدق

الاشياء في حياتي هي التي اجدها دوماً بجواري

اجدها دوماً وقت الشدة وان كنت دائماً ما اغضبها

ولكن يقال عنا انه لا احد يستطيع ان يدخل بيننا

وفي بعض الاحيان نكون متخاصمين

وحينما يتكلم معي احد اجدها تدافع عني

والعكس مهما كان ما بيننا

الرابع :: اخواني وبالاخص ابو مريم وحس حس

وجمعاوي والسويري دول الناس اللي تلقيهم

شايلين همك ويفرحوا لفرحك ويحزنوا لحزنك

ووقت الجد تلاقيهم في ضهرك

رجالة بجد ما اقدرش استغنى عنهم

الخامس ::اني عاوز اكون افضل واحد في المجال بتاعي

واني بشغلي اكون رمز ونموذج للمسلم الناجح في حياته

اللي شغله لا يأثر على دعوته ولا العكس بل انه بيوظف كل منها لله

السادس :: مش عارف هو عيب ولا ميزة بس

هو اني لما بحب حد وبثق فيه بحبه قوي

وبيبقى عشمي في كبير قوي

ولما بكره حد خلاص مبطقش اشوفه اصلاً

السابع :: حبي للكورة فعلاً انا مدمن كورة

واهلاوي لدرجة لاتتخيلوها مش عارف يمكن علشان

انا من اسرة كروية اهلاوية

ولا علشان كرات الدم الحمراء زيادة عندي شوية

بس بحاول ابطل كورة وحدة واحدة كده

الثامن :: اخويا الكبير اللي انا مقدرش اخبي

عليه اي حاجة لا نه صحبي جداً

ويعتبر سري كله معاه وهو بالنسبة

لي حاجة كبيرة خالص مع اني بقرفه جداً

في حاجات كتيرة بس بلقيه دايماً مسامح

التاسع :: اني مبحبش قلب المواعيد واكرهها جداً

واحب الانضباط في المواعيد واتخنق من الانتظار

والبني ادم اللي يخليني انتظره بدهوملوه في جنابه

واخيراً وصلنا للعاشر ::يمكن دي حاجة ممكن تستغربوا

ليها بس انا اعشق حاجتين الطبخ

واعرف اطبخ كل انواع الطعام والحلويات

والتمثيل ومسرح كلية التجارة يشهد على ذلك

وفي النهاية اود ان اقول لمن دبسني في هذا التاج منك لله

انا كنت حاسس اني على كرسي الاعتراف

وامرر التاج ده لكل اللي زرني ومردش على

التاج ده قبل كده وخصوصاً جمعاوي اي خدمة ياريس

التاج الثاني

مبعوتلي من صحبي الانتيخ

جمعاوي

ماذا يمثل لك رمضان في كلمتين؟؟

شهر تنقية الذنوب

هل كتبت خطتك التي تنوي تطبيقها في رمضان؟؟

ده احنا كاتبينه سوه ولا انت شايف ايه

ايه احسن حاجة لك في رمضان ؟

بيقربك قوي من ربنا

صلة الرحم بتبقى رائعة في رمضان

الجو العام في رمضان

ايه الحاجة اللي انت جربتها رمضان

اللي فات وناوي تكررهاالسنة دي ؟

اللي انا جربته رمضان اللي فان

وناوي اكرره السنة دي

صلة الرحم يمكن السنة اللي فاتت

منجحش الموضوع ده بنسبة

كبيرة لكن السنة دي ناوي

كل يوم اصل رحم ان شاء الله

شعارك السنة دي في رمضان ايه؟

رمضان بلا قطيعة

ناوي تفطر كام واحد في رمضان؟

الله المستعان

ايه الطاعة اللي انت ناوي تتداوم عليه بعد رمضان ؟

ان شاء الله صلاة الفجر لاني مقصر جداً فيها

امرر التاج الى كل اللي هيزورني

وبالاخص همسه وحاجات جوايا اي خدمة ماهو نظام تدبيس بقى