اوعى ياصحبي في يوم تسافر الابالقطار
لاتقع في كمين وتكون زي الحمار
يجيلك مخبر ايده طرشه ميعرفش الهزار
يسكعك على قفاك تقف محتار
ماتلاقي حد ينجدك من الانتظار
تدعى وتقول انقذني يا ستار
ارحمنا يارب من شلة الاشرار
اللي مسكوا البلد وقالوا ان احنا في استقرار
ومفيش حد غيرهم بياخد القرار
وان عارضهم اسد يحولوه لفار
بظلم واستبداد ومحاصرة للافكار
وادي السجون مليانة برجالة وباخيار
تحويل لمحاكمات عسكرية ومصادرة اموال والحاق اضرار
مش مدينهوم فرصة لدفاع او استفسار
ومفيش في ايدهم شئ الا اللجوء للجبار
واكيد هيجي اليوم نحسم في القرار
ونثور على الظالم ونعيش احرار
ومنفكرش ابدا يوم في الفرار
ومنسبش بلدنا ابدا للفجار
ونحقق حلمنا بناس مننا اخيار
تحكم بشرع الله وسنة المختار
ده وعد من ربنا وبعزيمة وباصرار
نحقق حلمنا ويجي الانتصار
خد بنصحتي يا صحبي علشان نكون احرار
اوعى في مرة تسافر الا بالقطار
No comments:
Post a Comment